Մեր նախնիների գոյատևման միջոցը խստաշունչ ձմեռների ժամանակ՝ ըստ գիտնականների
Խստաշունչ ձմեռների ժամանակ գոյատևելու համար, նեանդերթալցիները քուն են մտել: Այսպիսի վարկած են առաջադրել գինականները՝ Իսպանիայի հյուսիսում գտնվող հնագույն զանգվածային գերեզմանում գտնված ոսկորները հետազոտելուց հետո: Այս մասին հրատարակված է գիտական «L’Antropologie» թերթում:
Մնացորդների տարիքը գնահատվել է 400 հազար տարի: Գիտնականները նշել են, որ հետազատությունների համաձայն՝ գտնված ոսկորների աճն ամեն տարի մի քանի ամսով ընդհատվել է: Սա նման է ձմռանը քուն մտնող կենդանիների (օրինակ՝ քարանձավային արջերի) ոսկորների կառուցվածքին:
Հետազոտողները ենթադրում են, որ սառնամանիքին դիմակայելու համար, Սիմա դե լոս Ուեսոս քարանձավի շրջակայքը նեանդերթալցիներին չի ապահովել բավականաչափ ճարպային սննդով: Գիտնականները եզրակացրել են, որ ձմռանը քուն մտնելը եղել է մարդկանց գոյատևման միակ միջոցը:
Նյութը հրապարակման պատրաստեց Լիլիթ Ամիրաղյանը
