«Կորոնավիրուսի դեմ ռուսական պատվաստանյութի արտադրության տեղայնացումը Հայաստանում և Ղրղզստանում քննարկվում է». Պուտին
Տնտեսություն
Կորոնավիրուսի դեմ ռուսաստանյան պատվաստանյութի արտադրության տեղայնացման հնարավորությունը Հայաստանում և Ղրղզստանում քննարկվում է: Այդ մասին հայտնել է Ռուսաստանի նախագահ Վլադիմիր Պուտինը՝ մայիսի 21-ին ելույթ ունենալով Եվրասիական բարձրագույն տնտեսական խորհրդի (ԵԲՏԽ) նիստում, որը տեղի է ունենում տեսակոնֆերանսի ձևաչափով, տեղեկացնում է «Արմենպրես»-ը:
«Դուք գիտեք, որ մեզ հաջողվեց բավականաչափ արագ ստեղծել երեք սեփական շատ արդյունավետ և անվտանգ պատվաստանյութեր կորանավիրուսի դեմ, շուտով շրջանառության մեջ կդրվի չորրորդ պատվաստանյութը՝ «Սպուտինկ Լայթը»,- ասել է Պուտինը՝ նշելով, որ Ռուսաստանի տարածքում պատվաստումն ակտիվորեն է ընթանում:
«Սպուտնիկ V»-ի թողարկումը հաջողությամբ տեղայնացած է, այստեղ գորընկերներն արդեն ասացին, թե՛ Ղազախստանում և թե՛ Բելառուսում: Այժմ քննարկվում է այդ արտադությունների ծավալման հնարավորությունը Հայաստանում և Ղրղզստանում»,- հայտնել է նախագահը: Պուտինն ընդգծել է, որ Ռուսաստանը «միակ երկիրն է, որը հանձնում է պատվաստանյութերի տեխնոլոգիաները»:Նա նաև նշել է, որ հաշվի առնելով ներկայիս ժամանակի հանգամանքները՝ Ռուսաստանը կարևոր է համարում ուշադրություն նվիրել համագործակցությանը դեղորայքային անվտանգության բնագավառում: Պուտինը նաև հիշատակել է, որ Ռուսաստանում հայտնվել են կորոնավիրուսի դեմ հայրենական պատրաստուկներ, որոնց արդյունավետությունը, նրա կարծիքով, շատ բարձր է:
«Մինչև տարեվերջ ԵԱՏՄ-ի փորձագետները պետք է պատրաստեն ոչ միայն կորոնավիրուսի, այլև այլ վտանգավոր հիվանդությունների բուժման համար ռազմավարական տեսակետից կարևոր դեղորայքային պատրաստուկներով մեր երկրների ապահովման միջոցառումների պլան»,- հավելել է ՌԴ-ի նախագահը՝ ճշտելով, որ խոսքն այն մասին է, որ արդյունավետ և մատչելի դեղորայքի արտադրություն կազմակերպվի ԵԱՏՄ-ում:
Նա նաև նշել է, որ այդ արտադրության ծավալները պետք է բավական լինեն առողջապահության ազգային համակարգերի պահանջների բավարարման համար:
