Որտե՞ղ էին երկու կոպեկով վաճառվող Հ.Բաբուխանյանի ներկայիս պատվիրատուները, երբ Գ. Ծառուկյանը պահանջում էր կառավարության 100%-ի հրաժարականը
Քաղաքականություն
Սոնա Թադևոսյանը ֆեյսբուքյան իր էջում գրել է․
Բացի պատերի տակ վնգստալուց այդ ժամանակ որտե՞ղ էին երկու կոպեկով վաճառվող Հ.Բաբուխանյանի ներկայիս պատվիրատուները, երբ Գ. Ծառուկյանը պահանջում էր կառավարության 100%-ի հրաժարականը․
Կարծես թե երեկվա Գագիկ Ծառուկյան – Նիկոլ Փաշինյան հանդիպումը խաթարել է որոշ լպրծուն քաղաքական և կիսաքաղաքական գործիչների անդորրը, ովքեր իրենց լրատվական ռեսուրսներով էլ ինչ ստեր ասես չհրապարակեցին, իրենց անհեթեթություններով աղտոտելով առանց այդ էլ աղտոտված քաղաքական դաշտը: Այդպիսիններից մեկն էլ iravunk.com-ի Հայկ Բաբուխանյանն է, որի քաղաքական հայրիկները, մինչև Գագիկ Ծառուկյանին ինչ-որ անհեթեթ բաներում մեղադրելը, լավ կանեն դեռ խորհրդարան չմտած պաշտոնի համար կռիվ չտան և հետո նոր այլոց հասցեին մեղադրանքներ հնչեցնեն:
Այն, որ Գագիկ Ծառուկյանի խոսքը գործ է, դրանում երկու կարծիք լինել չի կարող, քանզի դրա վառ ապացույցը դեռևս մեկ տարի առաջ կառավարության հրաժարականի հարցում մինչև վերջ գնալու և երկրիրը խորը ճգնաժամից հանելու վերաբերյալ հայտարարությունն էր, որի լուծումը արտահերթ խորհրդարանական ընտրություններն էին, ինչին էլ հասավ Գագիկ Ծառուկյանը: Եվ այստեղ հարց է առաջանում, բացի պատերի տակ վնգստալուց այդ ժամանակ որտե՞ղ էին երկու կոպեկով վաճառվող Հայկ Բաբուխանյանի ներկայիս պատվիրատուները, ի՞նչ գործիքակազմ էին օգտագործում նրանք որպեսզի հեռացնեին ներկայիս իշխանությանը, թե՞ նրանց մոտ միայն մեղադրելն է լավ ստացվում:
Այդ անողնաշարները լավ կանեն հանգիստ թողնեն Գագիկ Ծառուկյանին, քանզի բոլորն էլ գիտեն, որ Գագիկ Ծառուկյանի խոսքը գործը և նա երբեք իր խոսքից հետ չի կանգնում, ուստի նրա հասցեին անտեղի մեղադրանքներ հնչեցնելը առնվազն անբարոյականություն է:
Ինչևէ, ինչքան էլ փորձեն Հայկ Բաբուխանյանի և նրա նման «վեցնոցների» ստահոդ լրատվականներով անհեթեթություններ տարածեն և փորձեն սևացնել Գագիկ Ծառուկյանի անունը, միևնույն է չի ստացվելու, քանզի հանրությունը պատվիրատուներին էլ լավ գիտի, նրանց անցյալն էլ:
