Իրանը զորավարժությունների ժամանակ մոդելավորել է հարված իսրայելական միջուկային ռեակտորի ուղղությամբ

Իսլամական հեղափոխության պահապանների կորպուսի (ԻՀՊԿ, Իրանի Զինված ուժերի էլիտար ստորաբաժանում) ռազմաօդային ուժերը զորավարժությունների ժամանակ մոդելավորել են Նեգև անապատի Դիմոնա քաղաքի մոտ տեղակայված իսրայելական միջուկային ռեակտորի ուղղությամբ հարվածը: 

ՏԱՍՍ-ի փոխանցմամբ՝ այս մասին կիրակի հայտնել է իրանական Fars գործակալությունը, որի տվյալներով՝ Իսլամական հեղափոխության պահապանների կորպուսի ռազմաօդային ուժերը «երկրի հարավում անցկացվող «Մեծ մարգարե-17» զորավարժությունների ժամանակ «նմանակել են (իսրայելական) Դիմոնա միջուկային ռեակտորի վրա հարձակումը»։

Ինչպես նշում է գործակալությունը, «ռեակտորի մոդելը խոցվել է 16 բալիստիկ հրթիռով և հինգ անօդաչու սարքով»։ Նշվում է, որ ռեակտորի մոդելի վրա հարձակումը «կայացել է շատ բարձր ճշգրտությամբ»։

Դեկտեմբերի 20-ին Իսլամական հեղափոխության պահապանների կորպուսի ուժերը Պարսից ծոցի ափին սկսել են «Մեծ մարգարե-17» հնգօրյա զորավարժությունը, որոնց մասնակցել են Իսլամական հեղափոխության պահապանների կորպուսի ցամաքային, ռազմածովային և օդային ուժերը, ինչպես նաև «Բասիջ» աշխարհազորայինների մի մասը։