Պետական համակարգը ամրացնելու երաշխիքներից մեկը մասնագիտական հմտությունների կատարելագործումն է. Ռուբեն Վարդանյան
Քաղաքականություն
«Մենք ենք մեր սարերը» գործակալության համահիմնադիր, Արցախի նախկին պետնախարար Ռուբեն Վարդանյանը ֆեյսբուքյան իր էջում գրում է.
Matena International School of Leadership and Professional Development միջազգային դպրոցն արդեն երրորդ դասընթացն է անցկացնում Արցախում այն մարդկանց համար, ովքեր ցանկանում են զարգացնել առաջնորդական կարողությունները և մասնագիտական հմտությունները։
Վերապատրաստումների առաջին ծրագիրն անցկացվել էր 2022-ի նոյեմբերին՝ Արցախի պետական կառավարման մարմինների բարձր օղակի ղեկավարների համար։ Դեկտեմբերին եղավ ծրագրի երկրորդ փուլը՝ պետական բարձր և միջին օղակների աշխատողների համար։ Այժմ կարող են դիմել հանրային և մասնավոր ոլորտների մասնագետները:
Առաջնորդել՝ նշանակում է պատասխանատվություն ստանձնել՝ լինի հանրային, մասնավոր, թե պետական ոլորտում: Մեզ համար կարևոր է համաշխարհային առաջավոր փորձը տարածել Արցախում: Պետական համակարգը ամրացնելու երաշխիքներից մեկը մասնագիտական հմտությունների կատարելագործումն է:
Այս փուլի համար հայտերի ընդունման գործընթացը մեկնարկել է։ Գրանցվել հնարավոր է այս հղումով` https://matena.am/hy/events/leadership-and-motivation/
Արցախի ծրագրերի բոլոր մասնակիցներն ամբողջական կրթաթոշակ կստանան «Մենք ենք մեր սարերը» տարածքային զարգացման գործակալության կողմից։
