«Աուդիտորների Պալատ»-ի նախագահ Նաիրի Սարգսյանի շնորհավորական ուղերձը Գիտելիքի օրվա կապակցությամբ
Հասարակություն
Սիրելի՛ աշակերտներ և ուսանողներ, հարգելի՛ մանկավարժներ, կրթության ոլորտի պատասխանատուներ, Շնորհավորում եմ բոլորիս Գիտելիքի և դպրության օրվա կապակցությամբ: Նոր ուսումնական տարին ընկալվում է որպես նոր նպատակների և անելիքների, նոր հմտությունների ու գաղափարների արդյունավետ իրականացման մեկնարկ: Յուրաքանչյուր ուսումնական տարի յուրովի առանձնահատուկ ու պարտավորեցնող է բոլորիս համար:
Այժմ այնպիսի դարաշրջան է, երբ օր օրի փոխվող համաշխարհային մարտահրավերներին կարող ենք դիմակայել միայն արդիական գիտելիքներով: Հասարակության մտավոր ներուժն այն գրավականն է, որն ապահովում է ինչպես պետության անվտանգությունն ու հզորությունը, այնպես էլ յուրաքանչյուր քաղաքացու բարեկեցությունը:
Առանձնահատուկ շնորհավորանքներ եմ հղում բոլոր ուսուցիչներին և պրոֆեսորադասախոսական անձնակազմին, մաղթում շարունակական զարգացվող գիտելիքներ և հաջողություն ձեր պատասխանատու աշխատանքում: Ձեր ուսերին են դրված ոչ միայն զուտ աշխատանքային պարտականությունները, այլև սերունդներին որակյալ կրթություն տալու շնորհիվ խելացի և պրպտող քաղաքացի ձևավորելու պատասխանատվությունը: Բարի երթ սիրելի դպրոցականներ, ուսանողներ, մանկավարժներ։
