Անբացատրելի հրաշքով մի քանի վայրկյան արթնացել էր, ջուր ուզել. Սրտի կանգը վերականգնած զինծառայողը շարունակում է բուժումը
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Նարեկ Պողոսյանը այն երիտասարդն է, որի անունը սեպտեմբերի 1-ին Սոթքի հայկական դիրքերի ուղղությամբ ադրբեջանական սադրանքի հետեւանքով զոհված զինծառայողների ցուցակում էր հայտնվել, սակայն ժամեր անց Պաշտպանության նախարարությունը լրացուցիչ հաղորդագրություն տարածեց՝ նշելով, որ ռեանիմացիոն ինտենսիվ միջոցառումների արդյունքում Նարեկի սրտի զարկը վերականգնվել է: «Զինուժ»-ը ռեպորտաժ է պատրաստել մինչ օրս վերականգնողական բուժում ստացող Նարեկի մասին:
«Գանգուղեղային վնասվածք եմ ստացել, այդ ամեն ինչը այնքան արագ եղավ, որ շատ բան ժամանակի ընթացքում հնարավոր էհիշեմ հնարավոր է՝ չհիշեմ»,- պատմում է նա:
Առօրյա ծառայության մեջ է եղել Նարեկը, երբ հրաման ստացավ հարակից մարտական հենակետ, որի ուղղությամբ հակառակորդը կրակում էր, պետք էր տարհանել վիրավորներին:
«Համարյա հասնում էի պոստեր, այդ ժամանակ են դիմացիս դիրքերից կրակել իմ վրա, թիրախավորված կրակ են բացել իմ վրա»,- պատմում է նա:
Վնասվածք ստանալուց անմիջապես հետո բուժակը ստուգել է Նարեկի սրտի աշխատանքը եւ տեսնելով որ չի շնչում, հայտնմեցին նրա զոհվելու մասին: Մինչ հոսպիտալ հասցնելը Նարեկը անբացատրելի հրաշքով մի քանի վայրկյան արթնացել, ջուր է ուզել ու կրկին գիտակցությունը կորցրել էր: Այդ պահից էլ բժիշկների ինտենսիվ գործողությունների շնորհիվ Նարեկի կյանքը փրկվել է: Ամիսներ շարունակ Նարեկը չէր կարողանում շարժվել, խոսել, ինչ-որ բան հիշել:
Նարեկն այժմ վերականգնողական բուժում է ստանում «Զինվորի տանը»:
Մանրամասները՝ տեսանյութում:
