Մավրն արեց իր գործը. ինչո՞ւ էր պետք հաշվեհարդար տեսնել Արցախի հետ. «Փաստ»
Մամուլ
«Փաստ» օրաթերթը գրում է.
360tv.ru-ն «Մավրն արեց իր գործը» վերնագրով հոդվածում գրում է, որ այն բանից հետո, երբ Լեռնային Ղարաբաղը անցավ Ադրբեջանի վերահսկողության տակ, Արևմուտքը, ի դեմս ԱՄՆ-ի, կարող է փորձել Նիկոլ Փաշինյանին հեռացնել իշխանությունից։ Եվ այդ ժամանակ նրանք կորոշեն երկիրը վերածել հերթական հակառուսաստանի և խզել երկար տարիների կապերը Հայաստանի և Ռուսաստանի միջև։ Այս մասին գրել է «Մորդորի ձայնը» Telegram ալիքի հեղինակը «360» ալիքի սյունակում։ Հաջորդիվ՝ նրա ուղիղ խոսքը. «Ի՞նչ է սպասվում Հայաստանին տեսանելի ապագայում: Գուցե արցախյան աղետով ամեն ինչ վերջապես կարգավորվի՞, և երկիրը սկսի ապրել նորմալ կյանքո՞վ։
Ի վերջո, Ջորջ Սորոսի կառույցների օգնությամբ մեծացած հայերի մի ամբողջ սերնդի համար Արցախը մի տեսակ առանց բռնակի ճամպրուկ էր, սովորական կյանքին խանգարող բեռ։ Այսինքն, դրա պատճառով են շրջափակումը, տնտեսության հետ կապված խնդիրները և, ընդհանրապես, Հայաստանի բոլոր անախորժությունները։ Նիկոլ Փաշինյանը խոստացավ լուծել այդ բոլոր խնդիրները, և շատ հայաստանցիներ պատրաստակամորեն հավատացին նրան։ Եվ նա չխաբեց, նա «լուծել» է Արցախի խնդիրը: Հիմա Հայաստանն այլևս առանց բռնակի ճամպրուկ չունի, այդ շղթաները չկան, հիմա ամեն ինչ պետք է սկսի զարգանալ, անտանելի բեռից ազատված երկիրը, անշուշտ, իմաստուն Նիկոլ Փաշինյանի գլխավորությամբ պետք է սկսի հարստանալ։
Այո՞: Չէ մի չէ: Ո՛չ, տղաներ: Նրանք պարզապես ուզում են ձեզ դարձնել մեկ այլ հակառուսաստան, ոչ ավելին: Եվ եթե այդ հակառուսաստանը դառնա ոչ թե պարզապես խոց, այլ արյունահոսող խոց, ապա այնքան ավելի լավ անտեսանելի այն դրամատուրգների համար, որոնք այդ վայրենի ծրագիրը մտահղացել են։ Արցախը ձեզ համար բեռ չէր: Դա, փաստորեն, այն գաղափարն էր, որը երկար տարիներ պահպանել ու աջակցել էր հայոց պետականությանը։ Արցախը կարող էր համախմբել ողջ հայությանը, և հենց դրա պատճառով էլ պետք էր նրա հետ հաշվեհարդար տեսնել։ Ինչը և Փաշինյանի գլխավոր խնդիրն էր: Եվ Մավրն արեց իր գործը, բայց իրականում նրան հեշտությամբ հեռանալ չի հաջողվի։ Նա իշխանությունը լցրել է այնպիսի մարդկանցով, որոնք արդեն պատրաստ են իրեն տապալել, որպեսզի շարունակեն տերերի մտադրվածն իրագործել, այն է՝ Հայաստանից ինչ-որ բան սարքել Ուկրաինայի նմանությամբ։
Եվ հենց այն պատճառով, որ Արցախն ինչոր կերպ միավորում էր Հայաստանը, Արևմուտքը ոչ միայն ոչնչով չօգնեց ձեզ, երբ տեղի ունեցավ աղետը, այլ հանգիստ և գոհունակությամբ դիտեց այդ ամենը: Որովհետև նրա ծրագիրն աշխատեց ճիշտ այնպես, ինչպես նախատեսված էր: Իզուր են հայ երիտասարդները հույս փայփայում, որ այժմ երկիր կգա բարգավաճումը և երջանկությունը: Արթնացե՛ք, տղաներ, և միայն նայե՛ք, թե ով է ձեզ կառավարում: Ձեր բոլոր նախարարներն ու հատուկ ծառայությունների ղեկավարները սորոսաբնի ծնունդներն են, նրանք ընդհանրապես թքած ունեն Հայաստանի վրա։ Նրանց համար գլխավորը Հայաստանը Ռուսաստանից պոկելն է, և դա՝ անկախ գնից։ Եվ նրանք կանգ չեն առնի ոչ մի բանի առաջ:
Այս բոլոր պարոնները շատ սերտ կապված են ամերիկյան տարբեր հիմնադրամների ու կազմակերպությունների հետ և առաջնորդվում են ոչ թե հայ ժողովրդի բարեկեցության մտահոգությամբ, այլ անում են այն, ինչ պատվիրում են ԱՄՆ դեսպանատանը, որտեղից էլ ներկայում իրականում ղեկավարվում է Հայաստանը։ Իսկ ամենացավալին այն է, որ, հավանաբար, Փաշինյանն ինքն էլ չգիտի այդ ողջ ճշմարտությունը, քանի որ նա սովորական խամաճիկ է այդ մեծ խաղում։ Ո՞վ գիտե, միգուցե մոտ ապագայում նրան գահընկեց անեն նրանք, որոնց նա համարում է իր զինակիցներ։ Միգուցե՝ հենց նույն Հայաստանի անվտանգության խորհրդի քարտուղար Գրիգորյանը, որ կամաց-կամաց ՀԱՊԿ-ի գաղտնիքներն է հայտնում ամերիկացիներին։
Իսկ ինքը՝ Փաշինյանը, կհայտնվի ինչ-որ տեղ տաք Կալիֆորնիայում՝ արժանապատիվ հարստությամբ և առանց փոշոտ աշխատանքի, ասենք, օրինակ՝ կդասավանդի ինչ-որ համալսարանում։ Ամեն ինչ կարող է պատահել, երբ ամերիկացիներն են ղեկավարում խաղը: Մի բան է ակնհայտ: Այդ ամենը լավ բան չի խոստանում Հայաստանի ժողովրդին։ Ամերիկացիները թքած ունեն Հայաստանի և հայերի վրա, և նրանք անգամ պատրաստ են այրել այն հանուն Ռուսաստանի դեմ պայքարի: Մեկ նման օրինակ արդեն կա: Մի՞թե դա բավական չէ հասկանալու համար»:
Մանրամասները՝ «Փաստ» օրաթերթի այսօրվա համարում
