Ադրբեջանցիները գողացել են Արավուսի բնակչի ոչխարները
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր առավոտյան ադրբեջանցիները գողացել են Սյունիքի մարզի Տեղ համայնքի հայ-ադրբեջանական շփման գծի հարևանությամբ գտնվող Արավուս բնակիչներից մեկին պատկանող ոչխարները։ Տեղ համայնքի ղեկավար Դավիթ Ղուլունցը «Փաստինֆոյի» հետ զրույցում ասաց, որ առայժմ չի կարող հստակ թիվ ասել, թե քանի ոչխարի մասին է խոսքը։
«Այս պահին չեմ կարող կոնկրետ թիվ ասել, դա երեկոյան պարզ կլինի, երբ արոտավայրից ոչխարները գան՝ կհաշվենք, թե քանիսն են մնացել, նոր հնարավոր կլինի թիվ ասել»։
Հարցին, թե ադրբեջանցիներն են անցել սահմանն ու մտել մեր արոտավայրեր, թե ոչխարներն են մոլորվել՝ նա պատասխանեց, որ այս հարցի պատասխանն էլ հստակ կլինի միայն երեկոյան։
Նա նաև նշեց, որ նախորդ մեկ տարվա ընթացքում նման սահմանային միջադեպեր չէին գրանցվել, այս անգամ ևս կրակոցներ չեն հնչել։
Նշենք, որ մոտ 2 ժամ առաջ ֆեյսբուքյան օգտատեր Արթուր Գրիգորյանն ահազանգել էր, որ «մոտ կես ժամ առաջ Տեղ համայնքի Արավուս գյուղի սահմանին միջադեպ է տեղի ունեցել: Ազերի բաշիբոզուկները գողացել են Արավուս գյուղին պատկնող մոտ 200 ոչխար: Հրաման է եղել չկրակել բաշիբոզուկների ուղղությամբ»։
