ԱՄՆ-ն հավանություն է տվել Թայվանին 360 մլն դոլար արժողությամբ զենքի վաճառքին
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ-ն հավանություն է տվել 300 մլն դոլարով ALTIUS 600M-V անօդաչու թռչող սարքերի հնարավոր վաճառքին Թայվանին: Նա նաև հավանություն է տվել 60,2 մլն դոլարով Switchblade 300 հակահետևակային, զրահապատ հրթիռային համակարգի և դրա սարքավորումների վաճառքին: Այս մասին հաղորդվում է Պենտագոնի անվտանգության համագործակցության գործակալության (DSCA) կայքում։
Գերատեսչության տվյալներով՝ վաճառքը «կօգնի բարձրացնել ստացող երկրի անվտանգությունը և կաջակցի տարածաշրջանում քաղաքական կայունությանը, ռազմական հավասարակշռությանը և տնտեսական առաջընթացին»:
Նշվում է, որ հավանության արժանացած գործարքները «համապատասխանում են ԱՄՆ օրենսդրությանը և քաղաքականությանը» և ծառայելու են նաև Միացյալ Նահանգների «ազգային շահերին, տնտեսությանը և անվտանգությանը»:
Այժմ գործարքները պետք է հաստատվեն Կոնգրեսի կողմից, ինչը տևում է 30 օր։
Չինաստանը Թայվանն իր տարածքն է համարում. Չինաստանի ղեկավար Սի Ծինփինը զգուշացրել է ԱՄՆ նախագահ Ջո Բայդենին, որ Թայվանի հարցը կարմիր գիծ է Պեկինի համար։ Մայիսին Չինաստանը երեք ամերիկյան ընկերության դեմ պատժամիջոցներ է սահմանել՝ Թայվանին զենք վաճառելու համար: Սահմանափակումները վերաբերում են General Atomics Aeronautical Systems-ին, General Dynamics Land Systems-ի, Boeing Defense Space & Security-ին: Նրանց արգելվում է ներմուծման և արտահանման գործունեություն ծավալել Չինաստանի հետ և ներդրումներ կատարել Չինաստանում։
