Բանգլադեշի նախկին վարչապետի դեմ 50-ից ավելի քրեական գործ է հարուցվել
Միջազգային
Բանգլադեշի նախկին վարչապետ Շեյխ Հասինան քրեական պատասխանատվության կենթարկվի ևս 7 սպանության համար, ինչի արդյունքում նրա տապալումից հետո նման դեպքերի թիվը հասել է 51-ի, գրում է Daily Star-ը։
Հինգ գործ հարուցվել է Դաքքայում, մեկը՝ Նարսինգդիում՝ կապված վերջին ուսանողական ապստամբության ժամանակ զոհվածների հետ, իսկ Բոգուրայում գործ է հարուցվել 2018 թվականին տեղի ունեցած սպանության համար։
Նախկին վարչապետին այժմ ներկայացված է սպանության առնվազն 42 մեղադրանք, 7-ը՝ մարդկության դեմ ենթադրյալ հանցագործությունների և ցեղասպանության, մեկը՝ առևանգման և մեկը՝ հարձակման մեղադրանքով:
Օգոստոսի սկզբին, զանգվածային հակակառավարական ցույցերի ֆոնին, Բանգլադեշի վարչապետ Շեյխ Հասինան հրաժարական տվեց և փախավ երկրից՝ թաքնվելով Հնդկաստանում:
Հասինայի դեմ ապստամբությունը ղեկավարած զինվորական պաշտոնյաների, քաղաքացիական առաջնորդների և ուսանողական ակտիվիստների միջև բանակցություններից հետո երկրի ժամանակավոր ղեկավար է նշանակվել Նոբելյան մրցանակակիր Մուհամմադ Յունուսը:
