Քանի՞ անշարժ գույք է գնվել և վաճառվել օտարերկրյա քաղաքացիների կողմից ՀՀ-ում. թվեր
Հասարակություն
Վիճակագրական կոմիտեից ArmLur.am-ը տեղեկացավ, թե օտարերկրյա քաղաքացիների կողմից ինչքա՞ն են կազմել գնված և վաճառված անշարժ գույքի գործարքները՝ ըստ ՀՀ մարզերի և մայրաքաղաք Երևանի՝ 2024 թվականի հուլիս ամսում։
Այսպիսով. օտարերկրյա քաղաքացիների կողմից մայրաքաղաք Երևանում գնվել է 70, իսկ վաճառվել 60 անշարժ գույք։
Արագածոտնի մարզում գնվել է 5, վաճառվել՝ 25 գույք։
Արարատի մարզում 7 գույք է գնվել, սակայն վաճառվել է 24 անշարժ գույք։
Օտարերկրյա քաղաքացիների կողմից Արմավիրի մարզում գնվել է 13, իսկ վաճառվել 26 անշարժ գույք։
Գեղարքունիքի մարզում գնվել է 8, վաճառվել՝ 9 անշարժ գույք։
Լոռու մարզում գնվել է 4 անշարժ գույք, սակայն վաճառվել է 26-ը։
Կոտայքի մարզում գնվել է 18, վաճառվել է 39 անշարժ գույք։
Շիրակի մարզում գնվել է 9, վաճառվել՝ 12 անշարժ գույք։
2 անշարժ գույք գնվել, իսկ 7-ը վաճառվել է Սյունիքի մարզում։
Վայոց Ձորի մարզում գնվել է ընդամենը 3 գույք և վաճառվել 2-ը։
Տավուշի մարզում գնվել է 9 գույք, վաճառվել՝ 23-ը։
Ընդհանուր ՀՀ-ում օտարերկրյա քաղաքացիների կողմից գնվել է 148 անշարժ գույք, իսկ վաճառվել՝ 253-ը։
Նայելով այս վիճակագրությանը՝ ակնհայտորեն երևում է, որ վաճառված անշարժ գույքի թիվը զգալիորեն գերազանցում է գնված անշարժ գույքի թվին՝ հատկապես սահմանամերձ մարզերում։
Առավել հետաքրքիրն այն է, թե ի՞նչ անշարժ գույքեր են ամենաշատը գնել և վաճառել օտարերկրյա քաղաքացիները ՀՀ-ում։
Օտարերկրյա քաղաքացիների կողմից ամենաշատ գնված անշարժ գույքը բազմաբնակարան շենքի բնակարանն է։ Բազմաբնակարան շենքի բնակարան գնվել է 56, իսկ վաճառվել՝ 95 հատ։
Ամենաքիչ գնված անշարժ գույքն արտադրական նշանակության շինությունն է, որից գնվել է 2, իսկ վաճառվել՝ 1 հատ։
