Ուշագրավ առաջարկ. անհատները՝ 1 միլիոն, իսկ հասարակական կազմակերպությունները 3 միլիոն ռուսական ռուբլի դրամաշնորհ կարող են ստանալ. «Փաստ»
Հասարակություն
«Փաստ» օրաթերթը գրում է.
Օրեր առաջ Հայաստանում առաջին անգամ տեղի ունեցավ առողջապահական ամենամասշտաբային միջոցառումը՝ MedMeet2024-ը։ Մասնակիցների թվով էքսպոն բավականին տպավորիչ էր: Իր տեսակով բավական տարբերվող էր «Եվրասիա» հասարակական կազմակերպության տաղավարը: Ի՞նչ է առաջարկում «Եվրասիան». առաջին հերթին՝ բոլոր այցելուներին առաջարկում է բժշկական մրցունակ դրամաշնորհային ծրագրեր գրել: Կազմակերպիչները մանրամասնում են՝ անհատները՝ 1 միլիոն, իսկ հասարակական կազմակերպությունները 3 միլիոն ռուսական ռուբլի դրամաշնորհ կարող են ստանալ «Առողջ Եվրասիա» ծրագրի շրջանակում: Սա լայն հնարավորություն է ընձեռում առողջապահական ոլորտի ամենալավ մասնագետներին, հետազոտողներին:Նրանք «Եվրասիայի» միջոցով կարող են կապեր հաստատել եվրասիական տարածաշրջանի՝ ոլորտի լավագույն մասնագետների հետ:
Ի դեպ, մեր տեղեկություններով, «Եվրասիան» շուտով Ռուսաստանի մայրաքաղաքում կազմակերպելու է մեծ համաժողով, որին իրենց մասնակցությունն են ունենալու նաև 20 բժիշկներ Հայաստանից: Կազմակերպությունը նաև բազմապիսի ծրագրեր ունի, որոնք նախատեսում է իրականացնել Հայաստանում: Ի մասնավորի, Հաջորդ տարի նախատեսվում է Հայաստանում կինոփառատոն և մեդիա ֆորում անցկացնել: Հավելենք, որ «Եվրասիան» Հայաստանից արդեն ավելի քան 500 հայ երիտասարդների է էքսկուրսիա տարել Ռուսաստան՝ «Ճանաչիր Ռուսաստանը» ծրագրի շրջանակներում: «Փաստն» այս ընթացքում բավական մեծ թվով երիտասարդներից արձագանքներ է ստացել. նրանք չափազանց ոգևորված են այդ այցերից:
Մանրամասները՝ «Փաստ» օրաթերթի այսօրվա համարում
