Սիրիայում ՌԴ-ի և Չինաստանի դեսպանատները զգուշացրել են իրենց քաղաքացիներին
Հասարակություն
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Դամասկոսում Ռուսաստանի դեսպանատունը Սիրիայում գտնվող ռուսաստանցիներին հիշեցրել է Արաբական Հանրապետությունում ստեղծված ռազմաքաղաքական բարդ իրավիճակի պատճառով գործող օդանավակայաններով կոմերցիոն չվերթներով երկիրը լքելու հնարավորության մասին:
«Սիրիայում ստեղծված բարդ ռազմաքաղաքական իրադրության կապակցությամբ Դամասկոսում Ռուսաստանի դեսպանատունը հիշեցնում է Սիրիայում բնակվող Ռուսաստանի քաղաքացիներին գործող օդանավակայաններով կոմերցիոն չվերթներով երկիրը լքելու հնարավորության մասին», - ասված է դիվանագիտական ներկայացուցչության Telegram-ալիքում տեղադրված հաղորդագրության մեջ:
Նմանատիպ հաղորդագրություն է տարածել նաև Չինաստանի դեսպանատունը։
«Իրավիճակը Սիրիայում սրվում է, և ընդհանուր անվտանգության վիճակը վատթարանում է Սիրիայում Չինաստանի դեսպանատունը խորհուրդ է տալիս երկրում գտնվող Չինաստանի քաղաքացիներին օգտվել առկա կոմերցիոն թռիչքներից՝ հայրենիք վերադառնալու համար կամ հնարավորինս շուտ լքել երկիրը»,- ասվում է հաղորդագրության մեջ։
Դեսպանությունից հավելել են, որ նրանք, ովքեր որոշել են մնալ «կարող են բախվել անվտանգության զգալի ռիսկերի և օգնության ստացման հնարավոր ձգձգումների»:
Հետևեք մեզ՝ այստեղ
