Ֆասթ Բանկը վերաբրենդավորել է Հրազդան քաղաքի մասնաճյուղը
ՀասարակությունՖասթ Բանկը վերաբրենդավորել է Հրազդան քաղաքում գործող մասնաճյուղը։ Հրազդան քաղաքի Ֆասթ Բանկի երկհարկանի մասնաճյուղը համալրվել է ժամանակակից տեխնոլոգիաներով, ստեղծվել են անհրաժեշտ բոլոր պայմանները հաճախորդների սպասարկումը դյուրին և արագ կազմակերպելու համար։ Ֆասթ Բանկի հաճախորդներն այստեղ կարող են կատարել միջազգային փոխանցումներ, օգտվել վարկատեսակներից, ներդնել ավանդ, ձեռք բերել պարտատոմսեր, կատարել վճարումներ, տարադրամի փոխարկում և այլն:
Ֆասթ Բանկի «Հրազդան» մասնաճյուղի կառավարիչ Ռոբերտ Բադալյանն ասել է․ «Տարին ամփոփում ենք դրական փոփոխություններով և մեր մասնաճյուղի հաճախորդների համար լավ լուրերով: Հրազդան մասնաճյուղը վերաբրենդավորվել է և այսուհետ հաճախորդներին սպասարկելու է ավելի հարմարավետ միջավայրում: Արագ և որակյալ սպասարկում ապահովելու համար մասնաճյուղը հագեցած է անհրաժեշտ բոլոր միջոցներով, և ինչպես նախկինում, այնպես էլ հիմա ՝ աշխատելու ենք 24/7 գրաֆիկով»:
Հրազդան մասնաճյուղի վերաբրենդավորումը նպատակ ունի մարզում շեշտադրել Ֆասթի բանկի ներկայությունը՝ հաճախորդներին առաջարկելով նոր որակի սպասարկում: Բանկը վերջին ամիսներին ակտիվորեն իրականացնում է ինչպես մայրաքաղաքի, այնպես էլ մարզային մասնաճյուղերի վերաբրենդավորման աշխատանքներ՝ նպատակ ունենալով բոլոր մասնաճյուղերում ապահովել հարմարավետ, բարձր որակի սպասարկում` հընթացս նաև մեծացնելով ծառայությունների շրջանակը։
Ֆասթ Բանկը թվային բանկ դառնալուն միտված ընկերություն է, որը 24/7 աշխատանքային գրաֆիկով ներկայացված է Հայաստանի բոլոր մարզերում, գործում է նաև բանկի հավելվածը։ Ֆասթ բրենդն այս տարի տոնել է ստեղծման 30-ամյակը:
