Բադալյան եղբայրների բիզնեսներից չորսը 1000 խոշոր հարկատուների ցանկում են. «Փաստ»
Մամուլ
«Փաստ» օրաթերթը գրում է.
Պարզվում է՝ եթե «Բադալ յան եղբայրներ» ընկերությունների խմբին պատկանող ընկերությունները մեկ միասնական միավորով հանդես գային, ապա Հայաստանի 1000 խոշոր հարկատուների ցանկում կլինեին առնվազն հինգերորդը: Բանն այն է, որ այս խմբին պատկանող չորս ընկերություն նշյալ ցանկում են, և նրանց վճարած հարկերի ծավալը կազմել է 26 մլրդ 17 մլն 541 հազար դրամ՝ ներառյալ հիմնադիրների կողմից վճարված հարկերը։ Նշենք, որ ցանկի 6-րդ տեղում գտնվող ընկերությունը վճարել է մոտ 24 մլրդ դրամ հարկ:
Նշյալ չորս ընկերություններից «Սոֆթ Կոնստրակտը», որը երկրի խոշորագույն ՏՏ ընկերությունն է, 2024 թվականին պետբյուջե է վճարել 18 մլրդ 627 մլն 274 հազար դրամ և հազարյակում զբաղեցնում է 12-րդ հորիզոնականը։ Ընկերությունների խմբին պատկանող «Ֆասթ բանկ» ՓԲԸ-ն պետբյուջե է վճարել 4 մլրդ 150 մլն 25 հազար դրամ և խոշոր հարկ վճարողների ցանկում 74-րդն է։ «Ֆասթ Մեդիա» ՍՊԸ-ն 534-րդն է, «Յուքրաֆթ» ՍՊԸ-ն՝ 784-րդը։
Հավելենք նաև, որ վճարված եկամտային հարկերի թոփ տասնյակում «Սոֆթ Կոնստրակտը» 3-րդ հորիզոնականում է։ 2024 թ. վերջի տվյալներով, հոլդինգի աշխատակիցների թիվը Հայաստանում 7179 է, երկրից դուրս՝ 1128 մշտական աշխատակից, ևս 1500-ը՝ գործարքային։
Մանրամասները՝ «Փաստ» օրաթերթի այսօրվա համարում
