Fastex-ի բլոկչեյն լուծումները ներկայացվել են Գեղարվեստի ակադեմիայում
ՀասարակությունՍ.թ. մարտի 20-ին Future Economy Summit-ի շրջանակում Fastex-ի ներկայացուցիչները հանդիպում են ունեցել Հայաստանի գեղարվեստի պետական ակադեմիայի ուսանողների հետ։ Հանդիպման ժամանակ ներկայացվել է Web3 ոլորտը, անդրադարձ է կատարվել բլոկչեյն տեխնոլոգիաներին, Ֆասթեքսի պրոդուկտներին և AKNEYE բրենդին:
Մշակույթն ու տեխնոլոգիան միավորող AKNEYE-ը համաշխարհային հարթակ է արվեստագետների համար։ Աչքանման քանդակներից մինչև NFT-ներ. յուրաքանչյուր ստեղծագործություն ունի խոր սիմվոլիզմ, որում արտահայտվում է արվեստի անցյալը, ներկան և ապագան։
AKNEYE-ի արվեստի համադրող Արմինե Հարությունյանն ընդգծել է նմանատիպ տեղեկատվական հանդիպումների կարևորությունը հայաստանյան բուհերում․ «AKNEYE-ը շատ յուրահատուկ և բացառիկ պրոյեկտ է, որը միավորում է արվեստը, դիջիթալը և կոնյակագործությունը: Մի կոնցեպտ է, որն աշխարհում չի եղել, և ես շատ հպարտ եմ, որ Հայաստանում է դա առաջին անգամ եղել և աշխարհով մեկ հայտնի է դառնում: Ամեն մի ԱԿՆ արվեստ է, ու հենց այս բուհում ելույթ ունենալը շատ կարևոր է, որովհետև հենց արվեստագետների հետ գործ ունենք: Հուսամ՝ կոգևորենք նրանց ու կկապենք դիջիթալ արվեստի հետ»:
Fastex Exchange-ի P2P Գործառնական ղեկավար Տարոն Պողոսյանը պատմել է, թե ինչ հնարավորություններ են տալիս բլոկչեյն տեխնոլոգիան, կրիպտոարժույթը, Web3 ոլորտը․ «Տեխնոլոգիան ու ապագան, նաև ֆինանսները, շատ արագ են փոխվում: Կարծում եմ՝ որպես ապագայի սերունդ, որը կառավարելու է իր ֆինանսները, որը երկրում ինչ-որ փոփոխություն է բերելու, բավականին մեծ կարևորություն ունի նմանատիպ փոփոխությունների մասին իրազեկելը, մարդկանց տեղեկացնելը, լսարանը մեծացնելը»:
Գեղարվեստի ակադեմիայի ուսանողները բացահայտեցին Web3 աշխարհն ու NFT-ները՝ ստանալով իրենց հետաքրքրող հարցերի պատասխանները:
