Թավջութակահար Արեն Թոփլաղալցյանը հաղթանակներ է գրանցել միանգամից մի քանի միջազգային մրցույթում
Մշակույթ
«Երաժշտություն հանուն ապագայի» հիմնադրամի կրթաթոշակառու, թավջութակահար Արեն Թոփլաղալցյանի համար հունիսը կարծես միջազգային մրցանակների բերքահավաքի շրջան լինի։ Այս ամիս նա հասցրել է մասնակցել «International Youth Music Competitions» միջազգային մրցույթին և արժանացել Գրան Պրիի։ «International Youth Music Competitions»-ը հարթակ է տրամադրում երաժիշտներին։ Մրցույթն իր ուշադրության կենտրոնում է պահում երաժշտական բոլոր ոճերն և գործիքները։
Արենը մասնակցել է նաև «World's Best Musicians» մրցույթին և ճանաչվել «Բացարձակ հաղթող»: «World's Best Musicians»-ը դասական երաժիշտների համար աշխարհում ամենամասշտաբային մրցույթներից մեկն է։ Այն բոլոր գործիքների, կամերային անսամբլների, կոմպոզիտորների և դիրիժորների համար է։
Եվ սա դեռ ամենը չէ։ Պատանի թավջութակահարը մասնակցել է «Mozart» միջազգային երաժշտական մրցույթին և արժանացել Պլատինե մրցանակի։ «Մոցարտ» միջազգային երաժշտական մրցույթը ևս ամենահանրաճանաչներից մեկն է համարվում։ Այն եզակի հարթակ է, որն առաջարկում է երաժիշտներին արժեքավոր հնարավորություն՝ ցույց տալու իրենց ստեղծագործականությունն ու երաժշտական տաղանդը։
Արենը սեփական օրինակով ցույց է տալիս, թե ինչպես է «Երաժշտություն հանուն ապագայի» հիմնադրամի ներդրումը նպաստումը տաղանդավոր պատանի երաժիշտների մասնագիտական հմտությունների աճին։
Նրանք շարունակում են օտար երկրներում բարձր պահել Հայաստանի պատիվը, նրանց նկարները հայտնվում են մրցույթների պաշտոնական կայքէջերում, նրանց կատարողական անթերի կատարումների մասին բարձրաձայնում են ժյուրիի՝ օտարերկրացի անդամները։ Սա լավագույն գնահատականն է ոչ միայն «Երաժշտություն հանուն ապագայի» հիմնադրամի՝ տարիներ ի վեր շարունակվող քրտնաջան աշխատանքի, այլ վկայությունն է նրա, որ համակարգված և նվիրված աշխատանքի շնորհիվ կարելի է հասնել լավագույն արդունքին։
