Պուտին-Ալիև հանդիպումը սկսվել է ԱԶԱԼ-ի ինքնաթիռի վթարի հետ կապված իրավիճակի քննարկմամբ
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Պուտին-Ալիև հանդիպումը սկսվել է ԱԶԱԼ ավիաընկերության ինքնաթիռի վթարի հետ կապված իրավիճակի քննարկմամբ: Այս մասին տեղեկանում ենք ՌԻԱ «Նովոստի»-ից:
Նշվում է, որ Պուտինն Ալիևին առաջարկել է հանդիպումը սկսել ադրբեջանական ԱԶԱԼ ավիաընկերության ինքնաթիռի վթարի հետ կապված իրավիճակի քննարկմամբ:
Պուտինն Ալիևին հիշեցրել է, որ ներողություն է խնդրել նրանից, որ ԱԶԱԼ ավիաընկերության ինքնաթիռի հետ կապված ողբերգությունը տեղի է ունեցել Ռուսաստանի երկնքում: Ռուսաստանի նախագահն իր ամենաանկեղծ ցավակցությունն է հայտնել ինքնաթիռի կործանման հետևանքով զոհվածների ընտանիքներին:
«Ռուսաստանը, համաձայն պայմանավորվածությունների, ամեն կերպ աջակցում է Ադրբեջանի ինքնաթիռի կործանման հետ կապված հետաքննությանը: ԱԶԱԼ-ի ինքնաթիռի կործանման պատճառները, ի թիվս այլ բաների, կապված են այն փաստի հետ, որ երկնքում ուկրաինական անօդաչու թռչող սարք է եղել։
Երկու հրթիռները, որոնք արձակվել են Ռուսաստանի ՀՕՊ համակարգի կողմից, ուղղակիորեն չեն հարվածել ԱԶԱԼ-ի ինքնաթիռին, այլ պայթել են մի քանի մետր հեռավորության վրա: ԱԶԱԼ-ի անձնակազմին առաջարկել են վայրէջք կատարել Մախաչկալայում, սակայն նրանք որոշել են գնալ իրենց օդանավակայան: Ռուսաստանը իրավական գնահատական կտա ԱԶԱԼ-ի ինքնաթիռի կործանման հետ կապված բոլոր պաշտոնատար անձանց գործողություններին: Ռուսաստանն անհրաժեշտ ամեն ինչ կանի ԱԶԱԼ-ի ինքնաթիռի կործանման հետ կապված փոխհատուցումների մասով»,-ասել է Պուտինը:
Իր հերթին Ալիևը շնորհակալությունէ հայտնել Պուտինին ԱԶԱԼ-ի ինքնաթիռի մասին տեղեկատվության համար:
Հիշեցնենք՝ որ հայտնել ենք, Տաջիկստանի մայրաքաղաքի կառավարական նստավայրում սկսվել է Պուտինի և Ալիևը հանդիպումը:
Հետևեք մեզ՝ այստեղ
