Մակերեսային, էմոցիոնալ գնահատականներով մենք չենք կարողանալու ճիշտ դիագնոզ նշանակել՝ ի՞նչ է կատարվում մեզանում, և հետևաբար չենք կարողանալու գտնել ճիշտ լուծումներ․ Մհեր Ավետիսյան
Քաղաքականություն
Մհեր Ավետիսյանը ֆեյսբուքյան իր էջում գրել է․
Թրամփը հայտարարել է, որ եթե Ամերիկան չվերցնի Գրենլանդիան, ապա Գրենլանդիան կգրավվի Ռուսաստանի կամ Չինաստանի կողմից։
Հիմա հարց․
Կա՞ խելամիտ մեկ մարդ, ով հավատում է, որ Ռուսաստանը կամ Չինաստանը ցանկանում են տիրանալ Գրենլանդիային։ Կարծում եմ՝ ոչ։
Հետևաբար հարց է առաջանում՝ ինչո՞ւ է ԱՄՆ-ի նախագահը նման հայտարարություն տարածում, և ինչո՞ւ է ԱՄՆ-ը ցանկանում գրավել Գրենլանդիան։
Ժողովուրդ ջան, ես նման հարցադրումներ բարձրացնում եմ ոչ թե միայն բարձրացնելու համար, այլ փորձում եմ ձևավորել մտածողություն, որ մենք աշխարհում տիրող գործընթացներին պետք է վերաբերվենք լրջորեն, փորձենք քաղաքագիտական, աշխարհաքաղաքական տեսանկյունից լուրջ անալիզի ենթարկել տեղի ունեցող գեոպոլիտիկ պրոցեսները, որպեսզի հասկանանք՝ ի՞նչ է կատարվում աշխարհում, մեծ հաշվով՝ ի՞նչ է կատարվում Հայաստանի շուրջ և ի՞նչ է կատարվում Հայաստանում։
Մակերեսային, էմոցիոնալ գնահատականներով մենք չենք կարողանալու ճիշտ դիագնոզ նշանակել՝ ի՞նչ է կատարվում մեզանում, և հետևաբար չենք կարողանալու գտնել ճիշտ լուծումներ…
