Դեղորայքի գինը կիջեցվի, տատիկների, պապիկների կյանքը կփոխվի․ Կարապետյան
Հասարակություն
Դեղերի գինը շեշտակի կիջեցնենք։ Մենք գրել ենք՝ 20 տոկոս էժան դեղորայք, բայց դա գրել ենք՝ ծրագիրը գերակատարելու համար։ Այս մասին հայտարարել է «Մեր ձևով» շարժման համակարգող Նարեկ Կարապետյանը։
Կարապետյանը նշեց, որ ուսումնասիրվել է Վրաստանի փորձը, որտեղ դեղորայքն անգամներով էժան է Հայաստանից, ինչը պայմանավորված է պետության քաղաքականությամբ։ Այսինքն՝ պետությունը եվրոպական այն երկրներից, որտեղից վրաստանցի գործարարը գնում է դեղորայքը, հաշվում են, թե ինչ վերին գին պետք է ունենա։ Իրականացված քայլերի արդյունքում՝ դեղորայքի գինը շեշտակի իջել է, Կարապետյանը նշում է՝ թոշակառուների համար դա շատ կարևոր է, 40,000 դրամի չափով թոշակի դեպքում 20,000 դրամ միայն դեղորայքին է հատկացվում, տատիկ-պապիկների կյանքը կփոխվի։
