Ուղիղ եթերում հեռուստաալիքի գրավում, բանտային անկարգություններ, հարձակում ոստիկանների վրա. Էկվադորում մաֆիան ապստամբել է (լուսանկարներ, տեսանյութ)

International 10 January, 2024 12:08

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Էկվադորյան մաֆիան, ի պատասխան նախագահի կողմից հայտարարված արտակարգ դրության, անկարգություններ ու բախումներ է կազմակերպել երկրով մեկ։ Հանցախմբերից մեկի զինված անդամները ուղիղ եթերում ներխուժել են տաղավար և պատանդ վերցրել TC Televisión հեռուստաալիքի աշխատակիցներին, գրում է BBC-ն:

Նրանք աշխատողներին հրամայել են պառկել հատակին. կադրից դուրս կրակոցներ ու ճիչեր են լսվել։ Հեռարձակումը շուտով ընդհատվել է։ Ավելի ուշ զինված անձինք լքել են հեռուստաալիքի շենքը, իսկ որոշ ժամանակ անց ոստիկանությունը հայտարարել է, որ բոլորին ձերբակալել են։

Երկրի նորընտիր նախագահ Դանիել Նոբոան 22 մաֆիոզ խմբավորումներն անվանել է ահաբեկչական կազմակերպություններ և ասել, որ երկիրը գտնվում է ներքին զինված հակամարտության մեջ:

Աղբյուրը մանրամասնում է, որ ամեն ինչ սկսվել է չափազանց վտանգավոր հանցագործի՝ «Լոս Չոներոս» ազդեցիկ հանցախմբի 44-ամյա ղեկավար Խոսե Ադոլֆո Մասիասի՝ բանտից փախուստից հետո: Նախագահ Նոբոան երկրում արտակարգ դրություն և պարետային ժամ է հայտարարել։

Հանցախմբերի անդամներն ի պատասխան զինված դուրս են եկել փողոցներ, հրկիզել են մեքենաներ, լսվել են պայթյուններ: Ոստիկանությունը հայտնել է, որ բախումների հետևանքով առնվազն 10 մարդ է զոհվել։

An Ecuadorian police squad runs into the premises of Ecuador's TC television channel after gunmen burst into the state-owned television studio live on air on January 9

Հարձակումներ ոստիկանների և զինվորականների վրա

Առնվազն յոթ ոստիկան պատանդ են վերցվել երկուշաբթի և երեքշաբթի երկրի տարբեր վայրերում, ներառյալ մայրաքաղաք Կիտոյում:

Կուենկա քաղաքում անհայտ անձինք ինքնաշեն ռումբ են նետել զինվորական բեռնատարի վրա։ Էսմերալդա նահանգում, ոստիկանությունը հայտնել է, որ պայթուցիկ սարքեր են օգտագործվել երեք անգամ։ Էկվադորի մի քանի այլ վայրերում պայթյուններ են որոտացել։

Մի քանի քաղաքներում հանցագործները մեքենաներ են այրել. միևնույն ժամանակ, Կիտոյում ոստիկանները գազի բալոններ են հայտնաբերել մեկ մեքենայի մեջ, որը հրկիզվել է, հանցագործները հավանաբար սպասում էին, որ դրանք կպայթեն:

Ecuadorian soldiers take security measures with a military armored vehicle on roads after Ecuador president declares 'internal armed conflict'

Բանտային անկարգություններ

Էկվադորի 24 նահանգից վեցի բանտերում անկարգություններ են սկսվել, որոշ դեպքերում պատանդ են վերցվել պահակները: Ոստիկանության և զինվորական հատուկ ուժերը ստիպված են եղել ճնշել Էլ Օրո, Լոխա, Չիմբորազո, Սոտոպաշի, Ազուայ և Պիչինչա նահանգների բանտերում անկարգությունները։

Նախագահ Նոբոան ասել է, որ բանտային անկարգությունները մաֆիայի արձագանքն են քրեակատարողական հիմնարկների նկատմամբ վերահսկողությունը վերականգնելու իր փորձերին:

Prison guards have reportedly been executed by the country's cartel thugs. Pictured: Moments before a guard was killed

Ավելին՝ այստեղ