Հայտարարություն տրբունալի խորհրդի և ներկա վիճակի մասին
Socity
Եղբայրնե՛ր և քույրե՛ր, սիրելի՛ հայեր,
Հայաստանի իշխանությունները մի շարք ոչ կոմպետենտ քայլերի արդյունքում երկիրը մտցրել են քաղաքական փակուղի։ Հանրապետության կառավարության անգրագետ, ազգային շահերի դավաճանության մակարդակի գործողություններն առաջացրել են ոչ միայն տավուշեցիների, այլև մեր ողջ ժողովրդի հիմնավորված զայրույթը, որը հիմնավոր կերպով աջակցվում է Հայ Առաքելական Եկեղեցու և մեր երկրի բազմաթիվ հասարակական-քաղաքական ուժերի կողմից:
Հայաստանի ողջ տարածքում սկսված անհնազանդության ակցիան և դրա մասսայականությունը ցույց են տալիս, որ իշխանությունը՝ վարչապետի գլխավորությամբ, այլևս ի վիճակի չէ կառավարել երկիրը, իսկ ժողովուրդը չի ցանկանում հանդուրժել ստեղծված իրավիճակն ու ազգային նվաստացումը: Այս պայմաններում միակ ելքը կառավարության ողջ կաբինետի կամավոր հրաժարականն է։
Իշխանությունը և Հայաստանի ժողովրդի առջև ամբողջական պատասխանատվությունը պետք է ստանձնի բնակչության վստահության բարձր մակարդակից օգտվող, պետական կառավարման բավարար փորձ ունեցող նոր առաջնորդը, որն ի վիճակի է ապահովել Հայաստանի շահերի պաշտպանությունը, նրա տարածքային ամբողջականությունն ու անվտանգությունը, ինչպես նաև վերականգնել Նիկոլ Փաշինյանի կառավարման շրջանում ավանդական, դարերով փորձված գործընկերոջ՝ Ռուսաստանի Դաշնության հետ փոխգործակցության կորցրած մակարդակը: Դա է պահանջում նաև Հայաստանի սահմանադրությունը՝ կառավարության ղեկավարի իմփիչմենթի դեպքում։ Հայաստանին անհրաժեշտ է առաջնորդ, որը հենց այսօր պատրաստ է ժողովրդին առաջարկել երկիրը ստեղծված իրավիճակից դուրս բերելու գործողությունների հստակ և թափանցիկ ծրագիր:
Բայց մենք լավ գիտենք, որ Փաշինյանի նմանները կառչած են մնալու իրենց աթոռից մինչև վերջին հայը։ Այսօր առաջարկվող իմփիչմենթի, նոր ընտրությունների և մյուս տարբերակները թույլ չեն տալիս հաղթահարել ճգնաժամը, այլ միայն խորացնում են համակարգային հակասությունները, հանգեցնում ներքաղաքական և տնտեսական ճգնաժամի։ Գլխավոր պատճառն այն է, որ երկրի ընդդիմադիր շրջանակներում չկա միասնություն և համաձայնություն, ինչն էլ վստահաբար և հաջողությամբ օգտագործվում է իշխանությունների կողմից ՝ իրենց լիազորությունները պահպանելու համար։
Ոչ միայն ռեալ ընդդիմադիր ուժերը, այլև բոլոր նրանք, ովքեր համաձայն չեն հակահայկական ռեժիմի քաղաքականության և գործողությունների հետ, նախ և առաջ պետք է, ի հակակշիռ գործող կաբինետի վարչական և ուժային ռեսուրսի, ընտրեն մեկ միասնական առաջնորդ և վստահեն նրան ՝ պաշտպանելու հայ ժողովրդի շահերը: «Համահայկական ճակատ» կուսակցությունն ու շարժումը առաջարկում են որպես հայ ժողովրդի նոր ներկայացուցչի ընտրության հարթակ օգտագործել մեր նախաձեռնած «Ազգային Հպարտության Հանրային Տրիբունալի» մեխանիզմը:
Առաջին քայլը պետք է լինի Տրիբունալի Խորհրդի ստեղծումը՝ նրա կազմում բոլոր ընդդիմադիր քաղաքական, հասարակական, երիտասարդական և տեղական կազմակերպությունների լայն ներգրավմամբ: Առաջարկում եմ հենց այսօր դրա կազմում ընդգրկել հայ ժողովրդի հարգանքն ու համակրանքը վայելող Հայ Առաքելական եկեղեցու սպասավոր Բագրատ Գալստանյանին։ Ակնկալում ենք նրա համաձայնությունը, ինչպես նաև առաջարկություններ Ազգային ժողովի բոլոր խմբակցություններից և այլ կազմակերպություններից ՝ խորհրդի կազմում իրենց ներկայացուցիչների վերաբերյալ: Միասնական թեկնածուի նկատմամբ տրիբունալի խորհրդի որոշումը պետք է վերջնական դառնա և անվերապահորեն աջակցվի Հայաստանում փոփոխություններ պահանջող և Փաշինյանի գլխավորած իշխանությունների կողմից իրականացվող բեսպրեդելի հետ չհամաձայնվող ողջ հասարակության կողմից։
Եղբայրնե՛ր և քույրե՛ր, սիրելի՛ հայեր: Այլ ճանապարհ մենք այսօր պարզապես չունենք։ Մենք կանգնած ենք ընտրության առաջ՝ գոյություն կունենա Հայաստանը, թե ոչ։ Եվ պետք է լինի մեր միակ ճիշտ ընտրությունը։ Միասին մենք կարող ենք պահպանել մեր սիրելի երկիրը և բարգավաճ փոխանցել այն մեր երեխաներին:
«Համահայկական ճակատ» կուսակցության և շարժման առաջնորդ, ՀՀ պաշտպանության նախկին նախարար գեներալ-մայոր
Արշակ Կարապետյան
