Բացառված չէ, որ Ռայիսիին սպանել են․ թուրք առաջնորդ 

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Թուրքական ձախակողմյան «Վաթան» (Հայրենիք) կուսակցության առաջնորդ Դողու Փերինչեքը կոչ է արել չզարմանալ, եթե ավիավթարը, որի հետևանքով զոհվեցին Իրանի նախագահը և արտգործնախարարը, պարզվի, որ դիվերսիա է և ըստ նրա՝ Թեհրանը «նման սպանությունների թիրախ է»:

Ռաիսիին, արտաքին գործերի նախարար Հոսեյն Ամիր Աբդոլլահեանին և այլ պաշտոնյաների տեղափոխող ուղղաթիռը կործանվել է մայիսի 19-ին՝ Արդբեջանից վերադարձի ճանապարհին՝ Իրանի երկրի հյուսիս-արևմուտքում՝ Վերզեգանի շրջանում։ Մայիսի 20-ի առավոտյան Իրանի փոխնախագահ Մոհսեն Մանսուրին հաստատել է տեղեկություններն այն մասին, որ նախագահը և նրա պատվիրակությունը զոհվել են ուղղաթիռի վթարի հետևանքով։ 

«Ես վստահում եմ այս հարցում իրանական պետության հայտարարություններին, նրանք ասացին, որ դա դժբախտ պատահար է։ Ինձ նույնպես թվում է, որ սա դժբախտ պատահար է, բայց զարմանալի չի լինի, եթե դա սպանություն լինի, որովհետև Իրանն ամերիկյան իմպերիալիզմի և իսրայելական սիոնիզմի դեմ պայքարող առաջատար երկրներից է։ Եվ հենց այս երկիրն է դառնալու նման սպանությունների թիրախ։ Այս առումով մեզանից ոչ ոք չէր զարմանա, եթե հայտարարվեր, որ դա սպանություն է։ Բայց ես տեսնում եմ, որ դա դժբախտ պատահար էր»,- Փերինչեքի խոսքերն է մեջբերում Aydınlık թերթը։

Նրա խոսքով, այդ պատահարը «ցավալի իրավիճակ է Իրանի համար»։

«Այն, որ Իրանի նախագահը չկարողացավ պաշտպանվել՝ անկախ եղանակային պայմաններից, դժբախտ իրավիճակ է, որից պետք է դասեր քաղել։ Սրանից մենք նույնպես պետք է դաս քաղենք։ Այսինքն՝ մենք պետք է դասեր քաղենք, երբ խոսքը վերաբերում է առաջնորդներին և թիկնազորի ղեկավարներին պաշտպանելուն»,- ասել է քաղաքական գործիչը։
Փերինչեքի տեղեկացրել է, որ իր գլխավորած կուսակցությունը հրավեր է ստացել եւ պատվիրակությամբ կներկայացվի Իրանում կայանալիք հուղարկավորության արարողությանը։

«Հայրենիքը» ձախակողմյան կուսակցություն է, որը կանգնած է Թուրքիայի առաջին նախագահ Մուստաֆա Քեմալ Աթաթուրքի դիրքերում և ունի հակաարևմտյան և հակաամերիկյան ուղղվածություն։ Կուսակցությունն իրեն համարում է 1919 թվականին ստեղծված Աշխատավորների և գյուղացիների սոցիալիստական ​​կուսակցության իրավահաջորդը։ Այն ներկայացված չէ Թուրքիայի խորհրդարանում, բայց ազդեցիկ ուժ է հատկապես հանրապետության նահանգներում։

Առավել մանրամասն` այստեղ.

 https://t.me/arm24live