19-ամյա հարսնացուն ինքնասպան է եղել՝ հարսանեկան զգեստի համար քննադատության համար
SocityՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ադրբեջանում 19-ամյա հարսնացուն՝ Լաման Մամեդլին, ինքնասպան է եղել, երբ ամուսնու ընտանիքը քննադատել է նրա հարսանեկան զգեստը՝ այն անվանելով «չափազանց բաց» և «սադրիչ»։
Աղջկա հոր՝ Մուրադ Բայրամովի խոսքով՝ հարսանիքից անմիջապես հետո փեսայի ընտանիքը մեղադրել է հարսնացուին «գրեթե մերկ» տեսք ունենալու մեջ, քանի որ նրա զգեստը չէր ծածկում ուսերը։
«Փեսան և նրա ծնողները կռվել են մեր տանը զգեստի պատճառով», – ասել է Բայրամովը։ «Նրանք գոռացել են. «Ամոթ։ Ինչպե՞ս կարողացաք թույլ տալ, որ ձեր դուստրը ամուսնանա այդպիսի բաց հագուստով»։
Դեպքը տեղի է ունեցել աղջկա ծնողների տան այգում՝ Մինգեչաուրում։
«Արարողությունից հետո Էլնուրը և նրա ծնողները եկան մեր տուն և սկսեցին սկանդալը։ Նրանց դուր չեկավ դստերս հարսանեկան զգեստը։ Մենք բացատրեցինք, որ դա սովորական զգեստ է, բայց նրանք չհանգստացան։ Հաջորդ օրը վեճը շարունակվեց։ Մենք հասկացանք, որ մեր ընտանիքները համատեղելի չեն։ Բայց արդեն ուշ էր։ Դուստրս չկարողացավ դիմանալ ճնշմանը և ինքնասպան եղավ հիասթափությունից և հուզական տառապանքից», – ասել է հայրը։
Բայրամովի խոսքով՝ Էլնուրը և նրա ծնողները մասնակցել են աղջկա հուղարկավորությանը, բայց նա թույլ չի տվել, որ նրանք մնան։
«Ես այլևս չկարողացա դիմանալ և նրանց դուրս վռնդեցի», – ավելացրել է նա։
Ոստիկանությունը հետաքննում է դեպքի հանգամանքները և քննարկում է հարսնացուի նկատմամբ ոտնձգությունների համար քրեական գործ հարուցելու հնարավորությունը։
Հետևեք մեզ՝ այստեղ
