Yerevan Fashion Week-ին ցուցադրվեց «Գայա»-ի «Արձագանք» հավաքածուն՝ Curious X-ի հետ համագործակցությամբ (տեսանյութ, լուսանկարներ)
CultureՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Լույսերը մարում են, երաժշտությունը լսվում և պոդիումին են հայտնվում նուրբ, դիզայներական հստակ լուծումներով հանդերձանք կրող կերպարներ, որոնք միավորում են պատմությունն ու ժամանակակից ոճը։
Գայանե Գևորգյանի «Արձագանք» հավաքածուն փոխանցում է հայկական մշակութային ժառանգության շունչն ու ճարտարապետական լուծումները։ Յուրաքանչյուր կերպար ընդգծում է դետալների գեղեցկությունը՝ տալով ոճային վերաիմաստավորում ժամանակակից նորաձևության մեջ:
«Նորաձևությունը համատեղել արվեստի տարբեր ոլորտների հետ. դա իմ ամենակարևոր ոգեշնչումներից մեկն էր և ես ինչու ընտրեցի Curious X-ի հետ համագործակցությունը Գարեգինի հետ, որովհետև նա կարողացավ շատ հետաքրքիր, մի քանի դետալ ընդգծելով՝ ցույց տալ ամբողջ հավաքածուի շունչը»,-ասում է ոճաբան, դիզայներ Գայանե Գևորգյանը:
Աշխատանքները ներկայացվեցին YFW-ի շրջանակում, որը միավորում է տեղական ու միջազգային դիզայներներին, արվեստագետներին ու նորաձևության սիրահարներին։ Հավաքածուները, ցուցահանդեսները և հատուկ նախագծերը ընդգծում են ոչ միայն հայկական նորաձևության յուրահատկությունը, այլև հարթակ են գաղափարների փոխանակման, նորարական փորձերի, մշակութային երկխոսության, ինչպես նաև տեղական համագործակցության համար։
Գայանե Գևորգյանը պատմում է՝ ցուցադրությանը ներկայացված էին 31 աշխատանքներ, որից երկուսը ստեղծվել են Curious X-ի հետ համատեղ: Այն ստեղծագործական հարթակ է, որտեղ ավանդականը վերաիմաստավորվում է, իսկ արվեստը ստանում է նոր շունչ՝ բացահայտելով իր անսահման հնարավորությունները:
«Հետաքրքիր, շատ օրիգինալ կերպարներ ստեղծվեց, որը, կարծում եմ շատերին կմոտիվացնի և շատերի համար առիթ կդառնա արվեստը սիրելու, գնահատելու և միանշանակ յուրաքանչյուր դետալին կարևորություն տալու»,-նշում է նա։
Աշխատանքները ներկայացվեցին YFW-ի շրջանակում, որը միավորում է տեղական ու միջազգային դիզայներներին, արվեստագետներին ու նորաձևության սիրահարներին։ Հավաքածուները, ցուցահանդեսները և հատուկ նախագծերն ընդգծում են ոչ միայն հայկական նորաձևության յուրահատկությունը, այլև հարթակ են գաղափարների փոխանակման, նորարական փորձերի, մշակութային երկխոսության, ինչպես նաև տեղական համագործակցության համար։
Հավաքածուն մեկն էր 20 պոդիումային ցուցադրություններից, որոնք կայացան YFW-ի շրջանակում: Այն ընդգրկում էր ոչ միայն հայկական պատմությունը, այլև հայ կնոջ ներսի ուժն ու կերպարը, որոնք հաճախ դժվար է ցուցադրել, իսկ ցուցադրության կերպարները դա վառ կերպով ընդգծում էին:
Ոչ միայն Հայաստանում, այլ նաև միջազգային հարթակներում նորաձևության սիրահարները շուտով կծանոթանան հավաքածուի նմուշներին և հայ կնոջ կերպարին՝ ժամանակակից մոտեցմամբ:
Հետևեք մեզ՝ այստեղ
