Ամերիկուհին սպանել է իր 6 եւ 8 տարեկան երեխաներին ու թողել դիակները տանը փտելու

Երկու երեխաների մայրը մեղադրվում է դաժան սպանության եւ մարմինները տանը թողնելու համար, հայտնում է The New York Post-ը:

28-ամյա Ջեյմերիա Հոլը մեղադրվում է իր վեցամյա դստերը խեղդամահ անելու եւ ութամյա որդուն դանակահարելու մեջ:

Հաղորդվում է, որ ոստիկանները մարմինները գտել են այն բանից հետո, երբ հարեւանները բողոքել են «տհաճ հոտից», որը գալիս էր Մերիլենդ նահանգի Բալթիմոր քաղաքում այդ ընտանիքի բնակարանից:

Ասում են նաեւ, որ հարեւանները լսել են, թե հայտնաբերելուց մեկ շաբաթ առաջ ինչպես են երեխաները գոռում․ «Մայրիկ, ոչ»:

Դա'Ներիա Թոմաս անունով աղջկան «գտել են լոգարանի մեջ՝ շորերը վզին», իսկ եղբորը՝ Դեւին Թոմասին գտել են աղբի տոպրակը գլխին եւ դանակը կրծքի մեջ:

Հոլը տանը չի եղել, երբ ոստիկանները գտել են երեխաների դիերը: Նա բերման է ենթարկվել չորեքշաբթի այն բանից հետո, երբ ոստիկանները նրան հայտնաբերել են մոտակայքում գտնվող Uber-ում:

Այն բանից հետո, երբ նա խոստովանել է, որ սպանել է երեխաներին, ոստիկանությունը կնոջը մեղադրել է առաջին աստիճանի սպանության, առաջին աստիճանի հարձակման եւ երեխաներին անխոհեմաբար վտանգի ենթարկելու մեջ:

Ավելին...