Ուկրաինան հայտարարել է, որ վերանայում է բանակցությունների գաղափարը, ընտրել է Լեհաստանը, այնուհետեւ՝ անհետացել. Պեսկով
ПолитикаՈւկրաինական կողմը, ի պատասխան Մինսկում բանակցություններ անցկացնելու գաղափարին, առաջարկել է փոխարենն ընտրել Վարշավան, այնուհետեւ անհետացել է, հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը:
«Փոքր դադարից հետո ուկրաինացիները հայտարարել են, որ վերանայում են բանակցություններն անցկացնելու միտքը Միսնկի հետ, եւ որ այժմ նրանք ցանկանում են մեկնել Վարշավա, որից հետո առհասարակ կապ չեն հաստատել, դադար են վերցրել»,-լրագրողներին հայտնել է Կրեմլի ներկայացուցիչը:
Կրեմլը համարում է, որ չափազանց վտանգավոր է, երբ ազգայնականները գործարկում են համազարկային կրակի համակարգն Ուկրաինայի խոշոր քաղաքներում, հայտարարել է Պեսկովը:
Ինչպես նշվում է ՌԻԱ Նովոստի-ի Telegram-յան ալիքում, Պեսկովը նաեւ հայտնել է, որ «բանակցությունների շուրջ Կիեւի մտորումներում դադարն ուղեկցվում է բնակելի թաղամասերում, այդ թվում՝ Կիեւում համազարկային կրակի գործարկմամբ»:
Դմիտրի Պեսկովի խոսքով՝ Ռուսաստանը հասկացրել է Ուկրաինային բանակցություններ կազմակերպելու իր համաձայնության մասին, հաղորդում է ՌԻԱ Նովոստի-ն:
«Մենք փոխանցել ենք ուկրաինացիներին, որ պատրաստ ենք բանակցություններ կազմակերպել Մինսկում: Այդ տեղեկատվությունը հասկացվել է ուկրաինացիներին: Պուտինն անմիջապես զանգահարել է նախագահ Լուկաշենկոյին ու պայմանավորվել, որ բելառուսական կողմն ու նախագահն անեն ամեն ինչ լավագույնս կազմակերպելու եւ ժամանող պատվիրակությունների անվտանգությունն ապահովելու համար, ինչը ներկայում շատ կարեւոր է: Ռուսական կողմն անմիջապես նախագահի հանձնարարականով ձեւավորել է պատվիրակություն, որում ընդգրկված են ՊՆ-ի, ԱԳՆ-ի եւ նախագահի վարչակազմի ներկայացուցիչները: Այդ տեղեկատվությունը ներկայացվել է ուկրաինացիներին»,-ասել է Պեսկովը:
