Եվրոպայում եւ ԱՄՆ-ում պաշտպանական ընկերությունների բաժնետոմսերը ռեկորդային առավելագույնի են հասել
ПолитикаԵվրոպայում եւ ԱՄՆ-ում պաշտպանական ընկերությունների բաժնետոմսերը երկուշաբթի օրը շուկայի անկման ֆոնին ռեկորդային առավելագույնի են հասել այն լուրերից հետո, որ Գերմանիան կավելացնի ռազմական ծախսերը՝ ի պատասխան Ուկրաինա Ռուսաստանի ներխուժման, հայտնում է Reuters-ը:
Գերմանիայի կանցլեր Օլաֆ Շոլցը կիրակի օրը հայտարարել է, որ Եվրոպայի խոշորագույն տնտեսությունում պաշտպանական ծախսերը կավելացվեն մինչեւ համախառն ներքին արդյունքի 2%-ը՝ 2021թ. 1,53%-ի փոխարեն։
Բրիտանական խոշորագույն պաշտպանական BAE եւ գերմանական Rheinmetall ընկերությունների բաժնետոմսերը երկուշաբթի սակարկումների բացումից անմիջապես հետո աճել են մինչեւ ռեկորդային բարձր մակարդակ՝ համապատասխանաբար 13,9 եւ 29,9 տոկոսով: Երկուսն էլ մեծ հասանելիություն ունեն զենքի եւ զինամթերքի շուկային:
Ֆրանսիական Thales-ն աճել է 13 տոկոսով, իսկ իտալական Leonardo-ն՝ 17,2 տոկոսով, ռազմական սենսորների գերմանական արտադրող Hensoldt-ն աճել է ավելի քան 56,1 տոկոսով։
Մինչդեռ համաեվրոպական STOXX 600 ինդեքսն ընկել է 1,3 տոկոսով։ ԱՄՆ ֆոնդային ինդեքսների ֆյուչերսները նվազել են գրեթե 1,5 տոկոսով։
Ամերիկյան զենք արտադրողներն ավելացրել են շահույթը՝ Lockheed Martin-ը՝ 5,5 տոկոսով, Raytheon-ը եւ Northrop Grumman-ը՝ մոտ 5 տոկոսով։
Պաշտպանության ոլորտի այլ բաժնետոմսերը նույնպես գերազանցել են շուկայի ընդհանուր ցուցանիշը: Բրիտանական գիտաճարտարագիտական QinetiQ ընկերության բաժնետոմսերը, որոնք գործում են պաշտպանության եւ անվտանգության շուկաներում, աճել են 11,8 տոկոսով, իսկ Ultra Electronics-ի բաժնետոմսերը՝ 4,8 տոկոսով:
Պաշտպանական բաժնետոմսերը վերջին տարիներին ճնշման են ենթարկվել՝ ESG-ի հարցերով ներդրողների ուշադրության կենտրոնում հայտնվելու պատճառով, թեեւ ուկրաինական ճգնաժամը կարող է վերաիմաստավորել դրանք:
«Ուկրաինա Ռուսաստանի ներխուժումը արմատապես փոխել է եվրոպական պաշտպանական հատվածի (EDS) լանդշաֆտը,- հայտարարել է վերլուծաբան Ջ.Պ. Մորգան Դեւիդ Փերին,- Երկրորդը՝ ինչ վերաբերում է ESG ոլորտի հեղինակությանը, ավելի շատ ներդրողներ կարող են համաձայնել, որ «պաշտպանությունը» անհրաժեշտ է խաղաղության եւ ժողովրդավարության պահպանման համար, ինչը կհանգեցնի EDS-ի վերագնահատմանը»,- հավելել է նա:
