Հայաստանի անկախությունն ու Հայաստանի տարածքային ամբողջականությունը Հայ ազգի համար ԿԱՐՄԻՐ ԳԻԾ են… Խաչիկ Ասրյան
Общество
Շնորհավո՛ր անկախությանդ տոնը, Հայաստա՛ն
Հերո՛ս Հայ ժողովուրդ
«Հայոց Արծիվներ. Միասնական Հայաստան» կուսակցության, «Հայոց Արծիվներ» կամավորական ջոկատի և անձամբ իմ անունից՝ ջերմորեն շնորհավորում եմ Ձեզ բոլորիդ՝ փառավոր տոնի՝ Հայաստանի Հանրապետության անկախության 31-րդ տարեդարձի առթիվ և մաղթում դեպի հավերժություն քայլող հզոր ու անպարտելի Հայաստան, որի հարստությունն իր տաղանդավոր ժողովուրդն է, իսկ ուժն ու կայունությունը՝ բոլորիս համար բացարձակ արժեք Հայոց Ազգային Բանակը:
20-րդ դարավերջին՝ 90-ականների սկզբին, Անկախության օրհնյալ զարթոնքի ուժով՝ մենք վերականգնեցինք դարերով կորստյան մատնած Հայոց փառքի դաբնիները՝ Հայ ժողովրդի համար ապահովելով ազգային դիմադրության Ոգի:
Հայոց քաջորդիների նվիրումի, խիզախության և անձնազոհության շնորհիվ՝ Հայաստանը 31 տարի առաջ կրկին վերականգնեց իր անկախությունը, և դարերի դաժան փորձությունների միջով անցած Հայ ժողովրդի Հայրենիք Հայաստանը վերջապես անդամագրվեց անկախ պետությունների ընտանիքին՝ ի հեճուկս մեր բազում թշնամիների։
Փա՜ռք Հայոց սահմաններն անառիկ պահող Հայոց Ազգային Բանակին:
Հավերժ խոնարհում Հայրենիքի պաշտպանության համար մարտիրոսված հերոսների հիշատակի առջև:
Հերո՛ս Հայ ժողովուրդ
Կրկին շնորհավորում եմ Ձեզ և մաղթում Հայոց հողի ուժն ու առատությունը, Հայոց անխախտ լեռների համառությունն ու սառնասրտությունը և Հայոց հերոսների անդավաճան Ոգու ուժը:
Հայաստանի անկախությունն ու Հայաստանի տարածքային ամբողջականությունը Հայ ազգի համար ԿԱՐՄԻՐ ԳԻԾ են, և, այն պետությունները, ովքեր կանցնեն այդ ԿԱՐՄԻՐ ԳԻԾԸ, գլխատելո՛ւ ենք նրանց:
Շնորհավո՛ր անկախությանդ տոնը, Հայաստա՛ն։
«Հայոց Արծիվներ. Միասնական Հայաստան» կուսակցության Առաջնորդ,
«Հայոց Արծիվներ» կամավորական ջոկատի հրամանատար,
«Մարտական Խաչ» 1-ին աստիճանի շքանշանակիր,
գնդապետ` Խաչիկ Ասրյան
