Կինը ծեծել է տատին, թույլ չի տվել հաց ուտել և գնալ զուգարան․ պատճառել է հոգեկան ուժեղ տառապանք

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մ. Պ.-ին մեղադրանք է առաջադրվել այն բանի համար, որ նա, իրենից կախվածության մեջ գտնվող Մ․ Ք․-ին պատճառել է հոգեկան ուժեղ տառապանք, ինչպես նաև չի կատարել անհետաձգելի միջամտության որոշմամբ իր վրա դրված պարտականությունները:

Գործը դատարան ստացվել է 2023 թ․-ի դեկտեմբերի 14-ին։ Այն մակագրվել է դատավոր Դավիթ Բալայանին։

Iravaban.net-ը փոխանցում է, որ Մ․ Պ․-ն, ֆիզիկական վիճակով (հաշմանդամություն) և տարիքով պայմանավորված, իրենից կախվածության մեջ գտնվող և իր հետ բնակարանում համատեղ բնակվող տատիին՝ Մ․ Ք․-ին, հոգեկան ուժեղ տառապանք պատճառելու դիտավորությամբ 2019 թվականի հունիսի 24-ից մինչև 2023 թվականի հոկտեմբերի 27-ն ընկած ժամանակահատվածում, տարբեր օրերի և ժամերի, նույն հասցեում պարբերաբար ծեծել է վերջինիս՝ այդ թվում նաև հողաթափերով։

Տեղաշարժել է Մ․ Ք․-անվասայլակը, որով վերջինին զրկել և թույլ չի տվել հաց ուտել և գնալ զուգարան, ստիպել է առանձին սենյակում հաց ուտել, թքել է վրան, վերցրել է դեղահաբերը։ Նրա արարքների հետևանքով  Մ․ Ք․-ն չի կարողացել գիշերները քնել, քանի որ ունի նևրոզ։ Մ․ Պ․-ն նաև թեյնիկով սառը ջուր է  լցրել տուժող անձի ոտքերին, պատռել է ներքնաշորերը, նրա հասցեին հնչեցրել է սպառնալիքներ՝ պատճառելով  հոգեկան ուժեղ տառապանք, ինչը վերջինիս մոտ առաջացրել է խիստ արտահայտված վախի և անելանելիության զգացողություն:

Բացի այդ, Մ․ Պ․-ն դիտավորյալ կերպով խախտել է իր նկատմամբ կիրառված անհետաձգելի միջամտության որոշման պահանջները։  Մ․ Պ․-ն 2023 թվականի մարտի 23-ին իրազեկվել է իր նկատմամբ «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքի 7-րդ հոդվածի 3-րդ մասի 1-ին, 3-րդ և 5-րդ կետերի համաձայն 2023 թվականի մարտի 23-ին ՀՀ ոստիկանության Մալաթիայի բաժնի ԱԳ և ԸԲԿԲ պետի կողմից կայացրած անհետաձգելի միջամտություն կիրառելու վերաբերյալ որոշման մասին: Նշված որոշման համաձայն՝ վերջինս որպես ընտանիքում բռնություն գործադրած անձ անհապաղ 20 օր ժամկետով հեռացվել է իր հետ համատեղ բնակելի տարածքում բնակվող՝ ընտանիքում բռնության ենթարկված Մ․ Ք․-ի բնակության վայրից և նրան արգելվել է վերադառնալ հիշյալ հասցե մինչ որոշմամբ նշված 20 օր ժամկետը լրանալը, ինչպես նաև արգելվել է 100 մետր հեռավորությունից ավել մոտենալ Մ․ Ք․-ին և հեռախոսային, նամակագրական կամ կապի այլ միջոցներով հաղորդակցվել վերջինիս հետ:

Ավելին ՝այստեղ