Կանդայի վարչապետը խոստովանել է, որ ամեն օր մտածում է հրաժարականի մասին
МеждународноеՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կանադայի վարչապետ Ջասթին Թրյուդոն, որի նկատմամբ դժգոհությունը կանադացիների շրջանում զգալի աճել է, խոստովանել է, որ ամեն օր մտածում է հրաժարական տալու մասին:
Ինչպես նշում է BBC-ն, նա այս մասին ասել է Radio-Canada-ին տված հարցազրույցում:
«Ես ամեն օր մտածում եմ հեռանալու մասին: Սա խելահեղ աշխատանք է, որը ես անում եմ՝ կատարելով անձնական զոհաբերություններ: Իհարկե, դա չափազանց դժվար է: Երբեմն դա շատ դժվար է», - ասել է Թրյուդոն, որը պաշտոնավարում է 2015 թվականից:
52-ամյա Թրյուդոն ընդգծել է, որ ինքը քաղաքականություն է մտել «ոչ հանրաճանաչ լինելու, ոչ անձնական պատճառներով, այլ քանի որ ուզում է ծառայել և գիտի, որ ինչ-որ բան ունի առաջարկելու»:
Վերջին ամիսների հարցումները ցույց են տալիս, որ կանադացիներն աճող դժգոհություն են զգում Թրյուդոյի կառավարության նկատմամբ՝ հիասթափված լինելով այնպիսի հարցերում, ինչպիսիք են բնակարանների մատչելիությունը և ապրուստի արժեքը: Կառավարող լիբերալները երկնիշ թվերով ետ են մնում հիմնական ընդդիմություն համարվող պահպանողականներից:
Կանադայի հաջորդ համընդհանուր ընտրությունները պետք է անցկացվեն 2025 թվականին։
