ԱՄՆ դեսպանությունը զգուշացնում է իր քաղաքացիներին
МеждународноеՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վրաստանում Ամերիկայի Միացյալ Նահանգների դեսպանատունը զգուշացնում է ամերիկացիներին՝ խուսափել Ռուսթավելիի պողոտա այցերից: Դեսպանատան կայքում տեղադրված տեղեկատվության մեջ նշվում է, որ Թբիլիսիում, խորհրդարանի շենքի դիմաց, Շոթա Ռուսթավելիի պողոտայում, հավանաբար կշարունակվեն լայնածավալ ցույցերը՝ կապված «օտարերկրյա ազդեցության թափանցիկության մասին օրենքի» հետ։ Այս մասին հայտնում է aliq.ge-ն։
Դեսպանությունը նաև զգուշացնում է իր քաղաքացիներին, որ հնարավոր են տրանսպորտային միջոցների երթևեկության խափանումներ։ Նշվում է նաև, որ վերջին ցույցերի ժամանակ բախումներ և բռնություն է տեղի ունեցել հանրահավաքի մասնակիցների և իրավապահների միջև։
Նշվում է, որ ԱՄՆ կառավարության բոլոր այն աշխատակիցներին «անվտանգության նկատառումներից ելնելով՝ Թբիլիսիում ԱՄՆ դեսպանատունն հորդորում է ստորև կարմիրով նշված տարածքի հյուրանոցներից չօգտվել»։
Ուշագրավ է, որ Թբիլիսիում իրավիճակը շարունակում է լարված մնալ: Մայիսի 2-ին, Հերոսների հրապարակում «գործակալների մասին օրենքի» դեմ բողոքող ցուցարարները փակել էին նաև Թամար թագուհու կամուրջն ու պողոտան, Քուռ գետի աջ և ձախ ափերի գլխավոր ճանապարհը: Երթևեկությունը ժամեր շարունակ կաթվածահար էր:
Վերջին 2 շաբաթվա ընթացքում Թբիլիսիում շարունակական, լայնածավալ բողոքի ցույցեր են ընթանում ընդդեմ «ռուսական օրենք» անվամբ հայտնի «գործակալների մասին օրենքի»։ Իշխանությունը ջրցան մեքենաներ, արցունքաբեր գազ, «պղպեղի սփրեյ» և ռետինե փամփուշտներ է օգտագործում խաղաղ ցուցարարների դեմ։ Մայիսի 1-ին խորհրդարանի մոտ տեղի ունեցած ցույցի ժամանակ տուժել է 11 մարդ, որոնցից 8-ը տեղափոխվել են կլինիկա։ Մայիսի 1-ի լույս 2-ի գիշերը Թբիլիսիում խորհրդարանի շենքի մոտ տեղի ունեցած ընդդեմ «գործակալների մասին օրենքի» ցույցերի ժամանակ 15 մարդ է հոսպիտալացվել։
«Վրացական երազանքը» մայիսի 1-ի լիագումար նիստում երկրորդ ընթերցմամբ ընդունել է «ռուսական օրենքը»։
Առավել մանրամասն` այստեղ.
