Արթուր Իսպիրյանը վայր է դրել մանդատը
ПолитикаՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Քիչ առաջ հայտնի դարձավ, որ Երևանի ավագանու «Քաղաքացիական պայմանագիր» խմբակցության անդամ Արթուր Իսպիրյանը վայր է դրել մանդատը:
Նրան կփոխարինի «Քաղաքացիական պայմանագիր» կուսակցության համամասնական ցուցակի հերթական հաջորդ թեկնածու Քրիստինե Վարդանյանը:
ArmLur.am-ը փորձեց կապ հաստատել Արթուր Իսպիրյանի հետ՝ պարզելու՝ ինչու՞ է վայր դրել մանդատը, սակայն վերջինս անհասանելի էր:
ArmLur.am-ի հետ զրույցում Երևանի ավագանու «Քաղաքացիական պայմանագիր» խմբակցության ղեկավար Արմեն Գալջյանն ասաց, որ պատճառն աշխատանքային ծանրաբեռնվածությունն է.
«Արթուր Իսպիրյանը նաև Հանրային ռադիոյում է աշխատում, և աշխատանքային ծանրաբեռնվածությունը թույլ չէր տալիս, որ ավագանու անդամի գործառույթները աբողջական կերպով իրականացներ, դրա համար էլ նման որոշում է կայացրել:
Նախկինում էլ նման դեպքեր ունեցել ենք, շատ մարդիկ ծանրաբեռնվածությունից ելնելով վայր են դրել մանդատը»,-ասաց նա:
Արմեն Գալջյանից հետաքրքրվեցինք նաև՝ արդյո՞ք նրա որոշումը կապ ունի քաղաքական վերջին թեժ իրադարձությունների հետ, սակայն Արմեն Գալջյանը պնդեց՝ բացարձակ կապ չունի:
Քրիստինա Մուշեղյան
Առավել մանրամասն` այստեղ.
https://t.me/arm24live
