Կիրանցի հարակից բարձունքում առավոտյան ադրբեջանական դրոշ է տեղադրվել․ գյուղապետ
ПолитикаՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր առավոտյան Կիրանցի գյուղի կամրջի վերևի հատվածում հայտնվել է ադրբեջանական դրոշ։
Լուրը Tert.am-ին փոխանցեց Կիրանցի գյուղապետ Կամո Շահինյանը։
«Որտեղ տեղադրված է մեր դրոշը, դրա հակառակ կողմում իրենց դրոշն է։ Իրենց սահմանապահները, նրանց շարժը գյուղից տեսանելի է, մեր սահմանապահներից ուղիղ գծով մոտ 200 մետր հեռավորության վրա են գտնվում։
Բայց այդ հատվածում ձոր է իջնում, հետո բարձրանում, այդ բարձունքին իրենց դրոշն է հիմա։ Գյուղի հատված դեռ չեն եկել, ճանապարհը աշխատում է, մինչև նոր ճանապարհ կառուցեն, ժամկետը կարծեմ մինչև հուլիսի 24-ն է»,- ասաց նա։
Հարցին՝ գյուղում այս պահին ինչ վիճակ է, գյուղապետն ասաց․
«Նույնն է, ո՞նց կարող են հանգիստ լինել, ժողովուրդ է մնացե՞լ շարքից դուրս են եկել, վիճակ չկա ժողովրդի վրա»։
