Երրորդ հարկից ընկած 3-ամյա փոքրիկի վիճակը ծայրահեղ ծանր է․ մանրամասներ
ОбществоՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
MeidaHub-ն այսօր առավոտյան գրել էր, որ երեկ Գեղարքունիքի մարզի Սևան քաղաքում 3-ամյա երեխան ընկել էր երրորդ հարկի պատուհանից և հայտնվել երկրորդ հարկի պատշգամբում։ Գրել էինք նաև, որ երեխայի հետևից մայրն էլ է նետվել, որ փրկի նրան։
Զավակին փրկելու նետված մոր վիճակը լավ է, իսկ երեխան գտնվում է ծայրահեղ ծանր վիճակում։ Նրան Սևան ԲԿ-ում ցուցաբերել են անհրաժեշտ բոլոր օգնություններն ու տեղափոխել Երևանի ԲԿ-ներից մեկը։
«Երեխան Սևանի ԲԿ է ընդունվել գանգուղեղային տրավմայով, նրա վիճակը եղել է ծանր։ Սևանում ձեռք են առնվել ռեանիմացիոն բոլոր միջոցառումները։ Երեխան ստացել է անհրաժեշտ դեղորայք, ինչպես նաև անցել է ապարատային շնչառության։ Դրա արդյունքում երեխայի վիճակը պահվել է ստաբիլ ծայրահեղ ծանր։ Ապա երեխան տեղափոխվել է Երևանի ԲԿ-ներից մեկը՝ հետագա բուժում ստանալու»,- պատմեց MediaHub-ի աղբյուրը։
Երևանում անցած հետազոտությունների արդյունքով էլ պարզվել է, որ երեխայի մոտ գանգուղեղային տրավմա է արձանագրվել, այսինքն՝ քունքոսկրի կոտրվածք՝ գծային, մինչև բուրգ հասնող, գլխուղեղի այտուց և ձախ թոքի ատելեկտազ։
«Տվյալ պահին երեխայի վիճակը կրկին ծայրահեղ ծանր է։ Բուժումը շարունակվում է»,- ներկայացրեց մեր աղբյուրը։
Թարմացում.
Նշված շենքի 3-րդ հարկից ցատկելու հետևանքով ստացած վնասվածքներով բուժօգնության է դիմել նաև մայրը (1993թ. ծնված):
Նարե Գնունի
Առավել մանրամասն` այստեղ.
https://t.me/armenia24live
