Ճապոնիան հայտարարել է հաջորդ սերնդի արևային էներգետիկայի անցնելու մասին, որը համարժեք է 20 միջուկային ռեակտորին
Экономика
Ճապոնիայի կառավարությունը ծրագրում է օգտագործելով բարակ և ճկուն պերովսկիտ արևային մարտկոցներ 2040 ֆինանսական տարում արտադրել մոտ 20 գիգավատ էլեկտրաէներգիա, որը համարժեք է 20 միջուկային ռեակտորի արտադրած էներգիային, գրում է virtualbrest.ru-ն։ Նախատեսում է նաև հաջորդ սերնդի արևային բջիջներն ազդարարել որպես վերականգնվող էներգիայի ընդլայնման բանալի մինչև 2050 թվականը զուտ զրոյական արտանետումների հասնելու համար:
Քանի որ Ճապոնիան յոդի՝ պերովսկիտային արևային բջիջների համար հիմնական նյութի, համաշխարհային երկրորդ արտադրողն է Չիլիից հետո, նա կարող է ստեղծել նյութերի անկախ մատակարարման շղթա ապահովելու կայուն մատակարարում, ինչը պետք է բարելավի այդ ոլորտի տնտեսական անվտանգությունը:
Նշենք, որ արևային մարտկոցներն արագորեն են տարածվել Ճապոնիայում 2011 թվականի ավերիչ երկրաշարժի և ցունամիի հետևանքով առաջացած միջուկային աղետից հետո: Դրանք ներկայումս կազմում են երկրի էլեկտրաէներգիայի արտադրության գրեթե 10 տոկոսը: Այնուամենայնիվ, Ճապոնիայում շատ տեղ չի մնացել մեծ ավանդական սիլիցիումային արևային բջիջներով վահանակներ տեղավորելու համար: Քանի որ պերովսկիտային արևային բջիջները թեթև են և դիմացկուն ճկման կամ դեֆորմացման նկատմամբ, դրանք կարող են տեղադրվել շենքերի պատերին, պատուհանների վրա, ավտոմեքենաների տանիքներին, և բազմաթիվ այլ վայրերում:
Չնայած այնպիսի ընկերությունները, ինչպիսին է օրինակ Sekisui Chemical Co.-ն, աշխատում են պերովսկիտ արևային բջիջների առևտրայնացման ուղղությամբ, բայց այդ տեխնոլոգիայի ամբողջական ներդրումը սպասվում է մինչև 2030-ական թվականները, քանի որ կան մի շարք մարտահրավերներ, որոնք դեռ պետք է հաղթահարվեն, օրինակ նման վահանակների կարճ կյանքի տևողությունը:
Նշենք նաև, որ Ճապոնիայի մասնաբաժինը համաշխարհային արևային վահանակների արտադրության մեջ նվազել է մինչև 1 տոկոսից էլ պակասի, և դա 2004 թվականի մոտ 50 տոկոս մասնաբաժնից հետո: Դրա պատճառը չինական արևային վահանակներ արտադրողների ճնշող մեծամասնության պետական հսկայական սուբսիդիաներ ստանալու պատճառով է տեղի ունեցել:
Ճապոնիայի կառավարությունը մտադիր է ապագայում արտահանել իր արտադրած պերովսկիտային արևային մարտկոցները խթանելով այդ տեխնոլոգիան որպես վերականգնվող էներգիայի հիմնական տեսակ:
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
