«Ո՛չ հայր ուներ, ո՛չ մայր». հարևանը մանրամասներ է պատմել Մերձավանում սպանված երիտասարդից
Общество
Մերձավանում սպանված երիտասարդի անունը Գոքոր էր, նա 29 տարեկան էր։
Այս մասին լրատվամիջոցների հետ զրույցում պատմել է Մերձավանի բնակիչներից մեկը։
«Վիրավորին չեմ ճանաչում, զոհված տղան ապրում էր եղբոր հետ։ 4 տարեկանից հորից է զրկվել, 18 տարեկանում ինքը բանակում էր, մայրը մահացավ: Նշանված էր, իրենց տանը մորաքույրն էր, նշանածը, երկու հարևանները։ Աշխատում էր, բայց չգիտեմ, թե ինչ էր աշխատում։ Փետրվարի երեքին իր ծնունդն էր, գիշերը սպանել են»,- պատմել է բնակիչը։
Նրա խոսքով՝ կատարվածի մասին ոչ ոք ոչինչ չի խոսել։
Ինչպես ավելի վաղ հայտնել ենք, գիշերը զինված հարձակում է եղել Փարաքար խոշորացված համայնքի Մերձավան բնակավայրում:
Միջադեպի հետևանքով կա մեկ զոհ և մեկ վիրավոր:
«Հայկական ժամանակ»-ի տեղեկություններով՝ քրեական վարույթ է նախաձեռնվել ՀՀ քրեական օրենսգրքի 155 հոդվածի 1-ին մասով (Սպանություն՝ ապօրինաբար մեկ ուրիշին կյանքից զրկելը), 333 հոդվածով (Ռադիոակտիվ կամ միջուկային նյութեր կամ սարքեր կամ զանգվածային ոչնչացման զենք շորթելը), 297 հոդվածի 3-րդ մասով (Խուլիգանություն մի խումբ անձանց կողմից, որը կատարվել է զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ կամ դրա գործադրման սպառնալիքով):
