Թուրքիան 6 տարվա ընդմիջումից հետո վերսկսում է ԵՄ-ի հետ բարձր մակարդակի տնտեսական երկխոսությունը
Экономика
Թուրքիան 6 տարվա ընդմիջումից հետո վերսկսում է Եվրամիության (ԵՄ) հետ բարձր մակարդակի տնտեսական երկխոսությունը։ Գրում է ermenihaber.am-ը:
Ապրիլի 3-ին Բրյուսելում կկայանա Թուրքիա-ԵՄ բարձր մակարդակի տնտեսական երկխոսության (HLED) հանդիպումը, որին կմասնակցեն Թուրքիայի արտգործնախարար Հաքան Ֆիդանը, գանձապետարանի և ֆինանսների նախարար Մեհմեդ Շիմշեքը, Եվրոպական հանձնաժողովի գործադիր փոխնախագահ և առեւտրի հարցերով ԵՄ հանձնակատար և Եվրամիության ընդլայնման հարցերով հանձնակատար Մարտա Կոսը։ Հանդիպումներին կմասնակցեն նաև եվրոպական ֆինանսական հաստատությունների ղեկավարներ։
Նշենք, որ 2024 թվականի դեկտեմբերին ԵՄ-ն որոշել էր վերսկսել գործընթացը։
Հանդիպումը բաղկացած կլինի երկու մասից և բիզնես ոլորտի ներկայացուցիչները կքննարկեն ներդրումների և առևտրի հնարավորությունները։ Նախարարների մակարդակով կքննարկվեն մակրոտնտեսական իրավիճակը, մրցունակությունը և կառուցվածքային բարեփոխումները, որից հետո բիզնեսի ներկայացուցիչները կքննարկեն ներդրումների և առևտրի հնարավորությունները։
Շիմշեքը ԵՄ-ի հետ գործընթացը վերսկելու վերաբերյալ նշել է. «Մենք պատրաստ ենք ԵՄ-ի հետ ավելի ամուր համագործակցության»։
Հիշեցնենք, որ Թուրքիա-ԵՄ երկխոսության այս մեխանիզմի առաջին հանդիպումը կայացել է 2016 թվականին, իսկ վերջին հանդիպումը՝ 2019 թվականին։
