Հեղուկ գազի գինը առաջիկայում էլի է թանկանալու, ընդհուպ հասնելով մինչև 300 դրամի
ЭкономикаՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հայաստանում վերջին երկու օրվա ընթացքում հեղուկ գազի գինը շեշտակի բարձրացել է։ Եթե երկու օր առաջ 1լիտր հեղուկ գազը վաճառվում էր 120 դրամով, ապա այսօր արդեն գինը թանկացել է, հասնելով՝ 170 դրամի։ Կան գազալցակայաններ, որտեղ հեղուկ գազի գինը հասնում է նաև 180 դրամի։ Այս ամենի պատճառն այն է, որ ըստ Irakanum.am–ին ահազանգած վարորդների Վրաստանում ստեղված իրավիճակն է։ Մեզ ահազանգած բեռնատարների վարորդները հայտնեցին, որ վրացական կողմը կոնկրետ գումար է ուզում, որպեսզի բեռնատարները թողնեն անցնեն հայկական սահման։
«Ամեն ֆուռի համար մինչև 2 հազար դոլար փող են ուզում։ Մենք օրերով էստեղ կանգնած ենք, որևէ մեկը էս խնդրով չի զբաղվում։ Ընդհանրապես ձեռք չի տա, որ էդ պահանջած փողը տանք սահման անցնենք, հեղուկ գազի գինը էլի է թանկանալու»,– մեզ հետ զրույցում ասաց վարորդներից մեկը։ Նրա խոսքով՝ հեղուկ գազի գինը առաջիկայում էլի է թանկանալու, ընդհուպ հասնելով մինչև 300 դրամի։
Ու մինչ վրացական կողմը կոկրետ իր պահանջներն է թելադրում ու ըստ էության հայ վարորդներից կաշառք պահանջում Հայաստանի Էկոնոմիկայի նախարարը Գորիսում ՔՊ–ի ժողովին է մասնակցում։ Իհարկե Պապոյան Գևորգին հետաքրքիր չեն այս խնդիրները, թերևս կոնյակի ու ծաղկի վաճառքով զբաղվողների առջև ծառացած խնդիրներն անգամ անկարող եղավ լուծել նախկին ՔՊ–ական պաշտոնյան։
Նշենք, որ սովորաբար վտանգավոր բեռներով, այդ թվում՝ հեղուկ գազով տրանսպորտային միջոցները սահմանը հատում են առաջնահերթության կարգով՝ անվտանգության պահանջներից ելնելով. բալոնների ճնշումը կախված է ջերմաստիճանից (օրինակ՝ պրոպանինը 20°C-ի դեպքում կազմում է մոտ 8 բար, 40°C-ի դեպքում՝ մինչև 13 բար)։ Բացի գնային թանկացումներից, հեղուկ գազով տրանսպորտային միջոցների՝ սահմանին երկար մնալը կարող է վտանգավոր հետևանքներ ունենալ
Հետևեք մեզ՝ այստեղ
