Գեղարքունիքում արդեն հավաքվել է շուրջ 17 906 տոննա հացահատիկ, 395, 4 տոննա պտուղ-հատապտուղ
ЭкономикаՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Գեղարքունիքի մարզի տնտեսություններում 2025 թվականի օգոստոսի 15-ի դրությամբ արդեն հավաքվել է շուրջ 17 հազար 906 տոննա հացահատիկի բերք։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչությունից, աշնանացան ցորենի 10 հազար 294,1 հեկտար արտերից օգոստոսի 15-ի դրությամբ արդեն հնձվել է 6497 հեկտարը, որից ստացվել է 10 հազար 54 տոննա համախառն բերք, իսկ միջին բերքատվությունը կազմել է 15,4 ցենտներ։
Գարնանացան գարու 7703 հեկտար արտերից արդեն հնձվել է 5177 հեկտարը, ինչի արդյունքում հավաքվել է 7852 տոննա համախառն բերք, իսկ մեկ հեկտարի միջին բերքատվությունը կազմել է 15 ցենտներ։
Հացահատիկի բերքահավաքը Գեղարքունիքի մարզի տնտեսություններում կշարունակվի մինչև սեպտեմբերի կեսերը։
Գեղարքունիքի մարզի այգեգործական տնտեսություններում պտղի և հատապտղի բերքահավաքը սկսվել է հուլիս ամսից և դեռ ընթացքի մեջ է։
Օգոստոսի 15-ի դրությամբ արդեն հավաքվել է 197,7 տոննա ծիրանի, 26,5 տոննա կեռասի, 89,3 տոննա հատապտուղների, 65,5 տոննա բալի, 6 տոննա ելակի, 10,4 տոննա՝ այլ տեսակի պտղի բերք։
Հետևեք մեզ՝ այստեղ
