Nissan-ը նոր ավտոմեքենա է պատրաստում
Видео
Տոկիոյի ավտոցուցահանդեսում, որը նախատեսված է հունվարի երկրորդ շաբաթում, Nissan Motor-ը սպորտային ոճով խորհրդավոր նոր մեքենա կներկայացնի: Պրեմիերայի սպասումը խթանելու համար ընկերությունը հրապարակել է ստուդիական լուսանկարի մգեցված հատվածը, որը ցույց է տալիս առաջիկա դեբյուտի հետևի լապտերները:
Ըստ նախնական տեղեկությունների՝ Nissan-ի նորույթը կունենա երեք կամ հինգ դռնանի թափք՝ համեմատաբար ցածր տանիքով, հայտնում է Drom.ru-ն: Սակայն ամենաշատն ուշադրություն է գրավում հետևի թևի՝ դեպի կողք զգալիորեն դուրս ցցված պանելը, որն ունի տպավորիչ չափերի օդափոխության անցքեր (հավանաբար դրանք արգելակների հովացման տարրեր են կամ պարզապես աչքի ընկնող ոճային առանձնահատկություն):
Առայժմ անհայտ է մնում՝ արդյո՞ք դա կլինի Nissan-ի սերիական արտադրանքի սպորտային մոդիֆիկացիա, թե՞ ինչ-որ ցուցադրական նախատիպ։
Ավելի վաղ Nissan-ը հայտարարել է իր ավտոսպորտային Nismo բրենդի ներքո ինչ-որ ինքնատիպ մոդելի թողարկման մասին: Ցուցահանդեսում Nissan-ի կողմից ներկայացվելիք պակաս տպավորիչ, բայց ոչ պակաս կարևոր պրեմիերաներից կլինեն թարմացված Nissan Z սպորտային կուպեն, Nissan Leaf էլեկտրամոբիլը՝ նոր և ամենաշքեղ Autech համալրմամբ, X-Trail քրոսովերի տուրիստական Rock Creek մոդիֆիկացիան և արդիականացված Nissan Micra/March քաղաքային հեթչբեքը:
