Tesla-ն ԱՄՆ-ում կհիմնի արևային վահանակների հսկայական արտադրություն
Экономика
Իլոն Մասկի հիմնադրած Tesla ընկերությունը մտադիր է մինչև 2028 թվականի վերջը ԱՄՆ տարածքում գործարկել արևային վահանակների արտադրություն՝ տարեկան 100 ԳՎտ (գիգավատ) ընդհանուր հզորությամբ։ Այս մասին հայտնի է դարձել ընկերության նոր թափուր աշխատատեղերի նկարագրությունից, ինչն անուղղակիորեն մատնանշում է նոր գործարանի կառուցման մասին։ Չորրորդ եռամսյակի արդյունքների ամփոփման ժամանակ Իլոն Մասկը շեշտել է, որ արևային էներգետիկայի ներուժը թերագնահատված է։ Ըստ նրա՝ սա լավագույն միջոցն է արհեստական բանականության (AI) տվյալների մշակման կենտրոնները էներգիայով ապահովելու համար։ «Մենք աշխատելու ենք արևային տարրերի արտադրությունը տարեկան 100 ԳՎտ-ի հասցնելու ուղղությամբ՝ ինտեգրելով մատակարարման ողջ շղթան՝ հումքից մինչև պատրաստի վահանակներ», — նշել է Մասկը։
Որպեսզի պատկերացնենք մասշտաբները, ահա մի քանի փաստ. 20 միլիոն տնային տնտեսություն, սա այն քանակն է, որը կարող է ապահովվել էլեկտրաէներգիայով տարեկան 100 ԳՎտ հզորության շնորհիվ։ Ըստ Մասկի հաշվարկների՝ ընդամենը 160×160 կմ մակերեսով տարածքը բավարար է ամբողջ ԱՄՆ-ն էլեկտրաէներգիայով ապահովելու համար։
Այս պահին Tesla-ն փնտրում է տեխնոլոգ-ինժեներների, ովքեր պետք է մշակեն նոր սերնդի սարքավորումներ և նախագծեն գործարաններ էներգետիկ արտադրանքի համար։ Հիմնական պահանջը լինելու է արտադրական ողջ ցիկլի կազմակերպումը հենց ԱՄՆ-ի ներսում՝ սկսած հումքի մշակումից։ Այս նախագիծը ևս մեկ քայլ է Tesla-ի՝ միայն էլեկտրոմոբիլներ արտադրող ընկերությունից համաշխարհային էներգետիկ հսկայի վերածվելու ճանապարհին։
Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը։
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
