ԳՇ պետը կհաստատի, որ Գագիկ Ծառուկյանի կոչով բազմաթիվ ջոկատներ են մեկնել ռազմաճակատ. Փաշինյանը ստում է

Էլլա Հովհաննիսյան

Բառեր չկան, խոսքեր չկան արտահայտելու այն ցավը, ցասումը, զայրույթը, հիասթափությունը, որը մենք ապրեցինք:

45 օր Հաղթելու ենք գոչելուց հետո, երկրի ոչ բարով գերագույն գլխավոր հրամանատարը մի գիշերում, մի գրիչի հարվածով Արցախի 12.000 քառ. կիլոմետրից 10.000-ը հանձնեց թուրքին: Հանձնեց Դադիվանքը, Գանձասարը, Ամարասը, Տիգրանակերտը, հանձնեց մեր սպիտակ հարսին՝ Ղազանչեցոցը, մեր անառիկ բերդաքաղաքը՝ Շուշին: Մարդու սիրտը վշտից քարանում է:
Իսկ ահա երկրի ղեկավարը՝ ժպիտը դեմքին, լայվ է, որ անում է: Չես հասկանում՝ սրան ժպտալու ուժ որտեղի՞ց:
Երեկ ԲՀԿ նախագահ Գագիկ Ծառուկյանը հարցազրույց տվեց, և հանդես եկավ ԽԻՍՏ հատկանշական մի տեղեկատվությամբ: Պարզվում է՝ դեռ սեպտեմբերի 28-ին, պատերազմի հաջորդ օրը, Ռուսաստանը պատրաստ է եղել, ավելին՝ առաջարկել է խաղաղապահ ուժեր մտցնել տարածաշրջան և կանխել հետագա արյունահեղությունը: Հասկանու՞մ եք՝ մենք կարող էինք խուսափել այս ողբերգությունից
Ռուսական պետական Դումայի պաշտոնյան կապվել է ԲՀԿ պատգամավոր Միքայել Մելքումյանի հետ, ով էլ արդեն կազմակերպել է սույն ինֆորմացիայի փոխանցումը համապատասխան քաղաքական խողովակներով:
Բայց դե մեր ապիկար գերագույնը էլ ինչ գերագույն կլիներ, եթե չմխտռեր ամեն ինչ, նա հայտնի է հարաբերություններ փչացնողի, սևի ու սպիտակի բաժանելու իր համբավով, նա ձախողել է դիվանագիտական հարաբերությունները բոլոր-բոլորի հետ, որպեսզի հետո հեշտ լինի մեղադրել բոլորին, թե չեկան, չօգնեցին:
Մի խոսքով, ապիկար գերագույնը չի ընդունել այս առաջարկը, որպեսզի հետո ավելի ցավոտ կապիտուլյացիայի տակ ստորագրի:
Այս պատուհասի մամլո խոսնակը երեկ խեղաթյուրում է այս փաստը՝ բոլորիս էշի տեղ դնելով, պնդում է թե Ծառուկյանը հոկտեմբերի 28 է ասել, իսկ այդ ժամանակ Փաշինյանն արդեն համաձայնել էր ռուս խաղաղապահներին: Այսօր արդեն այս պատուհաս վարչապետն է մտել եթեր՝ ու բառիս բուն իմաստով կրկնում իր անմեղսունակ խոսնակի պնդումները, այսինքն՝ շարունակում բոլորիս էշի տեղ դնել:
Պատուհաս գերագույն գլխավոր Չհրամանատար, մենք այլևս շատ լավ գիտենք ձեզ, մենք այլևս գիտենք, թե դուք ինչ առաքելությամբ էիք եկել, թե ձեզ ինչի համար էին գործուղել Հայաստան: Ցավոք՝ դասը շատ դառն էր, բայց մենք այն լավ սերտեցինք:
Չփորձե՛ք ցեխ նետել գագիկ Ծառուկյանի կամ ուրիշների վրա: Շուշիի բանալիները թշնամուն հանձնաց վարչապետն ասում է՝ մեղավոր Գագիկ Ծառուկյանի ջոկատն էր, որ Շուշին ընկավ: Իբր թե ջոկատը կազմավորվել է, բայց տեղ չի հասել: Այ խրոնիկ խաբեբա, գնա Գենշտաբի պետին հարցրու, թե քանի ջոկատ է Գագիկ Ծառուկյանի կոչով մեկնել ռազմաճակատ՝ համապատասխան մարզումներից հետո: Ուղղակի հարցրու:
Իսկ առհասարակ, մեր ժողովուրդը վասակների անունները դարերով է հիշում, դու չես մարսելու ոչինչ, ոչինչ չես մարսելու: